11 قازاندا تٷركييانىڭ مانيسا پروۆينتسيياسىندا تۋريستٸك اۆتوبۋس پەن جٷك كٶلٸگٸ سوقتىعىسىپ, 11 ادام قازا تاپتى, دەپ حابارلايدى ult.kz.
اپات گەبزە – ورحانگازي – يزمير تاسجولىنىڭ اقحيسار اۋدانىنداعى بٶلٸگٸندە بولعان. الدىن الا مەلٸمەت بويىنشا, اۆتوبۋس جٷرگٸزۋشٸسٸ قاجەتتٸ بۇرىلىستان ٶتٸپ كەتٸپ, ارتقا قاراي قوزعالعان. سول كەزدە ارتىنان كەلە جاتقان اعاش تيەلگەن جٷك كٶلٸگٸ اۆتوبۋسقا سوعىلعان. سوققىدان ەكٸ كٶلٸك تە اۋدارىلعان.
وقيعا ورنىنا جەدەل جەردەم, ٶرت سٶندٸرۋشٸلەر مەن قۇتقارۋشىلار جٸبەرٸلدٸ. تٷركييانىڭ دەنساۋلىق ساقتاۋ مينيسترٸ كەمال مەميشوعلۋ 27 ادامنىڭ اۋرۋحانادا ەم قابىلداپ جاتقانىن مەلٸمدەدٸ. ونىڭ ايتۋىنشا, بٸر ادامنىڭ جاعدايى اۋىر, 18 ادامنىڭ جاعدايى ورتاشا, قالعان سەگٸزٸنٸڭ جاعدايى جاقسى.
اپاتقا بايلانىستى تەرگەۋ باستالدى. پروكۋراتۋرا ٷش پروكۋروردى ٸسكە جۇمىلدىرعان. تەرگەۋ اياسىندا اۆتوبۋستىڭ نەگٸزگٸ جەنە قوسالقى جٷرگٸزۋشٸلەرٸ, سونداي-اق جٷك كٶلٸگٸنٸڭ جٷرگٸزۋشٸسٸ ۇستالدى. وقيعانىڭ مەن-جايى انىقتالىپ جاتىر.
