Ázerbaijannyń Baký qalasy men ózge de eldi mekenderinde mektep formasyna qatysty jańa talaptarǵa qarsy narazylyqtar ótip jatyr. Jańa erejeler mektepke hidjab kiip kelýge tyiym salady. Eldiń Ishki ister ministrligi 37 adamnyń ustalǵanyn habarlady, dep habarlaidy ult.kz Azattyq radiosyna silteme jasap.
Bilik ókilderiniń málimdeýinshe, tártip saqshylarynyń áreketi kólik qozǵalysynyń buzylýyna jol bermeý, bilim berý uiymdarynyń qalypty jumysyn qamtamasyz etý jáne oqýshylar men muǵalimderdiń qaýipsizdigin saqtaý maqsatynda júrgizilgen.
Qyrkúiek aiynyń sońynda Ázerbaijan úkimeti mektep formasyna qatysty erejelerge ózgerister engizgen. Oǵan sáikes, mektep formasynan erekshelenetin nemese bilim berýdegi zaiyrlylyq qaǵidatyna qaishy keletin kiimderdi kiiýge tyiym salynǵan.
Alaida qujatta zaiyrlylyq qaǵidatyna qaishy keletin kiimderdiń naqty qandai ekeni kórsetilmegen. Osyǵan bailanysty keibir sarapshylar bul talap hidjabqa da qatysty bolýy múmkin ekenin aitqan.
Budan keiin keibir mektepterge oqýshylar men muǵalimderdi kirgizbegeni týraly shaǵymdar túse bastaǵan. Sońǵy kúnderi ata-analar men oqýshylar narazylyq aktsiialaryn ótkizip, sabaqqa boikot jariialaǵan.
Minval Politika basylymynyń málimetinshe, Bakýdiń Garadag aýdanynda narazylyq bildirýshiler mektep direktorynyń kóligin órtegen. Al Iasamal aýdanynda jinalǵandar mektepterdiń birinde órt shyǵarýǵa árekettengenimen, órttiń aldyn alý múmkin bolǵan.
Oxu Az basylymy narazylyq bildirýshilerdiń qoǵamdyq tártipti buzyp, memlekettik múlikke ziian keltirgenin jáne dini urandar aitqanyn habarlady.
