ەزەربايجاننىڭ باكۋ قالاسى مەن ٶزگە دە ەلدٸ مەكەندەرٸندە مەكتەپ فورماسىنا قاتىستى جاڭا تالاپتارعا قارسى نارازىلىقتار ٶتٸپ جاتىر. جاڭا ەرەجەلەر مەكتەپكە حيدجاب كيٸپ كەلۋگە تىيىم سالادى. ەلدٸڭ ٸشكٸ ٸستەر مينيسترلٸگٸ 37 ادامنىڭ ۇستالعانىن حابارلادى, دەپ حابارلايدى ult.kz ازاتتىق راديوسىنا سٸلتەمە جاساپ.
بيلٸك ٶكٸلدەرٸنٸڭ مەلٸمدەۋٸنشە, تەرتٸپ ساقشىلارىنىڭ ەرەكەتٸ كٶلٸك قوزعالىسىنىڭ بۇزىلۋىنا جول بەرمەۋ, بٸلٸم بەرۋ ۇيىمدارىنىڭ قالىپتى جۇمىسىن قامتاماسىز ەتۋ جەنە وقۋشىلار مەن مۇعالٸمدەردٸڭ قاۋٸپسٸزدٸگٸن ساقتاۋ ماقساتىندا جٷرگٸزٸلگەن.
قىركٷيەك ايىنىڭ سوڭىندا ەزەربايجان ٷكٸمەتٸ مەكتەپ فورماسىنا قاتىستى ەرەجەلەرگە ٶزگەرٸستەر ەنگٸزگەن. وعان سەيكەس, مەكتەپ فورماسىنان ەرەكشەلەنەتٸن نەمەسە بٸلٸم بەرۋدەگٸ زايىرلىلىق قاعيداتىنا قايشى كەلەتٸن كيٸمدەردٸ كييۋگە تىيىم سالىنعان.
الايدا قۇجاتتا زايىرلىلىق قاعيداتىنا قايشى كەلەتٸن كيٸمدەردٸڭ ناقتى قانداي ەكەنٸ كٶرسەتٸلمەگەن. وسىعان بايلانىستى كەيبٸر ساراپشىلار بۇل تالاپ حيدجابقا دا قاتىستى بولۋى مٷمكٸن ەكەنٸن ايتقان.
بۇدان كەيٸن كەيبٸر مەكتەپتەرگە وقۋشىلار مەن مۇعالٸمدەردٸ كٸرگٸزبەگەنٸ تۋرالى شاعىمدار تٷسە باستاعان. سوڭعى كٷندەرٸ اتا-انالار مەن وقۋشىلار نارازىلىق اكتسييالارىن ٶتكٸزٸپ, ساباققا بويكوت جارييالاعان.
Minval Politika باسىلىمىنىڭ مەلٸمەتٸنشە, باكۋدٸڭ گاراداگ اۋدانىندا نارازىلىق بٸلدٸرۋشٸلەر مەكتەپ ديرەكتورىنىڭ كٶلٸگٸن ٶرتەگەن. ال ياسامال اۋدانىندا جينالعاندار مەكتەپتەردٸڭ بٸرٸندە ٶرت شىعارۋعا ەرەكەتتەنگەنٸمەن, ٶرتتٸڭ الدىن الۋ مٷمكٸن بولعان.
Oxu Az باسىلىمى نارازىلىق بٸلدٸرۋشٸلەردٸڭ قوعامدىق تەرتٸپتٸ بۇزىپ, مەملەكەتتٸك مٷلٸككە زييان كەلتٸرگەنٸن جەنە دٸني ۇراندار ايتقانىن حابارلادى.
