Almat Saqatov depýtat bolýǵa qatysty oiyn ashyq aityp, bul qyzmetke ázirge ózin laiyq sanamaitynyn jetkizdi, dep habarlaidy ult.kz.
Akterdiń aitýynsha, sońǵy kezde áleýmettik jeli qoldanýshylary oǵan «Nege depýtat bolmaisyz?» degen suraqty jii qoia bastaǵan. Degenmen ol depýtattyq – jai ǵana mártebe emes, úlken bilim men jaýapkershilikti talap etetin qyzmet ekenin aitty.
«Depýtat bolý – oiynshyq emes. Ol úshin eń aldymen eldi jan-tánińmen súiý kerek ári zańdardy jetik meńgerý qajet. Mende sonyń bireýi bar shyǵar, biraq ekinshisi joq. Halyqtyń muń-muqtajyn túsinemin, alaida ony qalai sheshý keregin naqty aita almaimyn. Árine, munyń bárin qyzmet barysynda úirenýge bolatyn shyǵar. Biraq depýtat bolatyn adam eldiń qamyn bárinen biik qoiatyn, halyqtyń turmysyn jaqsartýdyń jolyn biletin, jurty úshin aianbai eńbek etetin azamat bolýy kerek», – dedi ol.
Almat Saqatovtyń bul pikiri qoǵamda tanymal tulǵalardyń saiasatqa kelýi jii talqylanyp jatqan kezeńde aityldy. Sońǵy ýaqytta óner men shoý-biznes ókilderiniń depýtattyqqa kelýi týraly pikirler kóbeigenimen, akter mundai qyzmetke kásibi daiyndyq pen halyq aldyndaǵy zor jaýapkershilik basty talap ekenin erekshe atap ótti.
