Ybyrai Altynsarin atyndaǵy Ulttyq bilim akademiiasy orta bilim ortalyǵynyń direktory Manara Adamova "Álippe" aldymen kirillitsa qarpimen shyǵarylatynyn málimdedi, dep habarlaidy Sputnik Qazaqstan.
"Qazir biz kirillitsa álipbiine negizdelgen áripterdi paidalanatyn bolǵandyqtan, sol 42 áripke negizdelgen "Álippeniń" oqý baǵdarlamasy daiyndaldy. Biraq aldymyzda latyn grafikasyna kóshý maqsaty tur. Olai bolǵan jaǵdaida biz ol baǵdarlamany latyn álipbiine aýystyramyz. Ol qatar jasaldy, baǵarlamanyń jobasy bar", - dedi Adamova ortalyq kommýnikatsiialar qyzmetinde ótken onlain brifingte.
Búgin bilim jáne ǵylym vitse-ministri Sholpan Karinova "Álippe" oqýlyǵynyń bekitilgenin málimedi. Onyń aitýynsha, aldaǵy ýaqytta oqýlyqty shyǵarý jumystary bastalady. Biraq aldymen ony 2021 jyldyń qańtar aiynda aprobatsiiadan ótkizedi. Ol úshin pilottyq mektepterdiń tizimi bekitildi.
"Osylaisha, saraptamadan ótken oqýlyqtar jańa oqý jylynda mektepterge engiziledi. Jalpy, "Álippe" oqýlyǵyn 2021-2022 oqý jylyna engizý josparlanǵan. Osy josparǵa sai jumys júrgizilip jatyr. Sosyn ózderińizge belgili, jeltoqsan aiynda "Álippemen" qoshtasý ótkiziletin. Qazirgi printsip te soǵan negizdelgen. Odan ary qarai "Ana tiline" kóshedi ", - dep túiindedi Karinova.
