Astanada «Pepe» internet-dúkeni arqyly esirtki taratty degen kúdikpen 30 jastan asqan bes er adam ustaldy. Operatsiiany Ishki ister ministrligi Memlekettik kúzet qyzmetimen birlesip júrgizgen, dep habarlaidy ult.kz.
Polisia.kz málimetinshe, kúdiktiler jaldamaly páterlerde ustalǵan. Olar esirtki saýdasyn uiymdastyrýshy, býyp-túiýshi, qoimashy jáne jasyryn oryndarǵa esirtki qaldyrýshy bolyp bólinip jumys istegen.
Tintý kezinde salmaǵy 100 gramnan bolatyn **238 dana kannabis shaiyry qosylǵan pechene**, sondai-aq 12 kelige jýyq túrli esirtki zaty tárkilendi. Onyń ishinde 8 keliden astam marihýana, 1,5 keli gashish jáne 2 keli kannabis shaiyry bar.
Budan bólek, politsiia iri kólemdegi qolma-qol aqsha, bank kartalaryn, telefondar, elektrondy tarazylar men esirtkini ólshep-oraýǵa arnalǵan jabdyqtardy tárkilegen.
Kúdiktilerge qatysty QR Qylmystyq kodeksiniń 297-baby boiynsha sotqa deiingi tergeý bastalyp, barlyǵy qamaýǵa alynǵan.
IIM esirtki saýdasyn uiymdastyrýshylar men jetkizý arnalaryna qarsy is-sharalar jalǵasatynyn málimdedi.
