استانادا «پەپە» ينتەرنەت-دٷكەنٸ ارقىلى ەسٸرتكٸ تاراتتى دەگەن كٷدٸكپەن 30 جاستان اسقان بەس ەر ادام ۇستالدى. وپەراتسييانى ٸشكٸ ٸستەر مينيسترلٸگٸ مەملەكەتتٸك كٷزەت قىزمەتٸمەن بٸرلەسٸپ جٷرگٸزگەن, دەپ حابارلايدى ult.kz.
Polisia.kz مەلٸمەتٸنشە, كٷدٸكتٸلەر جالدامالى پەتەرلەردە ۇستالعان. ولار ەسٸرتكٸ ساۋداسىن ۇيىمداستىرۋشى, بۋىپ-تٷيۋشٸ, قويماشى جەنە جاسىرىن ورىندارعا ەسٸرتكٸ قالدىرۋشى بولىپ بٶلٸنٸپ جۇمىس ٸستەگەن.
تٸنتۋ كەزٸندە سالماعى 100 گرامنان بولاتىن **238 دانا كاننابيس شايىرى قوسىلعان پەچەنە**, سونداي-اق 12 كەلٸگە جۋىق تٷرلٸ ەسٸرتكٸ زاتى تەركٸلەندٸ. ونىڭ ٸشٸندە 8 كەلٸدەن استام ماريحۋانا, 1,5 كەلٸ گاشيش جەنە 2 كەلٸ كاننابيس شايىرى بار.
بۇدان بٶلەك, پوليتسييا ٸرٸ كٶلەمدەگٸ قولما-قول اقشا, بانك كارتالارىن, تەلەفوندار, ەلەكتروندى تارازىلار مەن ەسٸرتكٸنٸ ٶلشەپ-وراۋعا ارنالعان جابدىقتاردى تەركٸلەگەن.
كٷدٸكتٸلەرگە قاتىستى قر قىلمىستىق كودەكسٸنٸڭ 297-بابى بويىنشا سوتقا دەيٸنگٸ تەرگەۋ باستالىپ, بارلىعى قاماۋعا الىنعان.
ٸٸم ەسٸرتكٸ ساۋداسىن ۇيىمداستىرۋشىلار مەن جەتكٸزۋ ارنالارىنا قارسى ٸس-شارالار جالعاساتىنىن مەلٸمدەدٸ.
