Almaty oblysy Ile aýdanynyń turǵyny TikTok-taǵy tikelei efir kezinde beipil sózder aitqany úshin 86 500 teńge aiyppul arqalady. Mundai sheshimdi Qonaev qalasynyń mamandandyrylǵan aýdanaralyq ákimshilik soty shyǵardy, dep habarlaidy ult.kz.
Is materialdaryna sáikes, áiel 2026 jylǵy 11 qazanda úiinen tikelei efirge shyǵyp, balaǵat sózder qoldanǵan. Sot muny qoǵamdyq tártip pen azamattardyń tynyshtyǵyn buzý dep baǵalady.
Sot otyrysynda áiel kinásin moiyndaǵan. Onyń áreketi efirdiń beinejazbasy arqyly dáleldendi.
Sot ony Ákimshilik quqyq buzýshylyq týraly kodekstiń 434-babynyń 3-bóligi boiynsha kináli dep tanydy. Qaýly ázirge zańdy kúshine engen joq.
