EYDU halyqaralyq sarapshylary Ortalyq Aziia men Kavkaz memlekettik qyzmetshilerin tsifrlyq úkimet saiasatyn damytýdyń ozyq tájiribelerimen tanystyrdy.
Samarqandta «Tsifrlyq úkimet saiasatynyń negizderi» taqyrybynda áleýetti damytý jónindegi seminar aýqymynda Ortalyq Aziia men Kavkaz elderiniń 60-tan astam ýákiletti organdary ókilderi tsifrlyq úkimet saiasatyn damytý men júzege asyrýdyń ozyq tájiribelerin zerdeleýde. Olar sondai-aq aimaqtaǵy elderge nazar aýdara otyryp, BUU-nyń 2022 jylǵy elektrondyq úkimet jaily zertteý nátijelerimen de tanysty.
Ózbekstan Aqparattyq tehnologiialar men kommýnikatsiialardy damytý ministri birinshi orynbasary Oleg Pekos: «Pandemiia kezinde tsifrlyq tehnologiialardy kúndelikti ómirimizge, ásirese memlekettik basqarý jáne memlekettik qyzmetterdi kórsetý salasyna jedel engizýdiń mańyzdylyǵyna báriniń kózi jetti», - dedi. Ol «tsifrlyq» kún tártibiniń basym maqsattary men synaqtaryna jaýap berip, olardy sheshý úshin sheteldik seriktester jáne áriptestermen tyǵyz ózara yntymaqtastyqtasý, onyń ishinde álemdik ozyq tájiribege súiene otyryp, dialogty keńeitý, biryńǵai standarttar men tásilderdi qalyptastyrý qajettigin» aitty.
Koreia Respýblikasy Ishki ister jáne qaýipsizdik ministrligi (MOIS) janyndaǵy Tsifrlyq úkimet biýrosy Tsifrlyq úkimet saiasaty tobynyń jetekshisi Sýnjae Li «tsifrlyq transformatsiia úkimettiń barlyq salalaryna taralyp jatqanyn jáne Koreia Respýblikasy tsifrlyq úkimet saiasaty arqyly memlekettik basqarýdyń tiimdiligin jáne ashyqtylyǵyn keńeitip, ózgeristerdi adamdar sezinetindei etip engizýge umtylýda» dep atap ótti. «Jaqynda úkimet tsifrlyq platforma tujyrymdamasyna kóshý josparyn jariialady, onda barlyq derekter áleýmettik máselelerdi sheshý men jańa qundylyqtar qalyptastyrý úshin ózara bailanystyrylǵan». «Osy baǵdarlama aiasynda tájiribe jáne ártúrli úlgiler almasý arqyly memlekettik qyzmetshilerdiń áleýetin arttyrýǵa jáne tsifrlyq úkimetti odan ári damytýǵa múmkindik bar» - dedi Sýnjae Li.
Astana memlekettik qyzmet hab Basqarýshy komiteti tóraǵasy Alihan Baimenov: «Búgin biz ómir súrip jatqan jańa shynaiy jaǵdai búkil álemdegi úkimetterdi jańa tehnologiialar men innovatsiialardy - memlekettik basqarý men memlekettik qyzmetter kórsetýdegi tiimdi qural retinde qoldanýdy jedeldetýge shaqyrady», - dep atap ótti. «Sonymen qatar zamanaýi úderister men azamattardyń artyp kele jatqan suranystaryn eskeretin tsifrly úkimet saiasatynyń kelisilgen negizderin jasap shyǵarý mańyzdy», - dededi spiker. Alihan Baimenov: «Qazirgi úrdisterdi de, azamattardyń ósip kele jatqan úmitterin de eskeretin kelisilgen tsifrlyq memlekettik saiasattyń negizin jasaý óte mańyzdy. Eger halyqaralyq tájiribe men ozyq praktika eskerilse, mundai negizdemeniń sapasy jaǵynan utary sózsiz», - dedi.
Qazaqstandaǵy BUU DB Turaqty ókili minjetin atqarýshy Sýhrob Hodjimatov «bul Koreia Úkimetimen birlesken joba BUUDB jańa tsifrlyq strategiiasymen tuspa-tus keledi jáne Turaqty damý maqsattaryna qol jetkizý úshin tsifrlyq shyndyqtyń qiyndyqtary men syn-qaterlerin tiimdi jeńýge baǵyttalǵanyn» atap ótti. «Tsifrlandyrý – tehnologiialyq progress ákelgen innovatsiialardy paidalana otyryp, halyqtyń eń osal toptaryna qol jetkizýge kómektesetin turaqty damýdyń negizgi faktory. Búginde dúnie júzindegi úkimetterdiń kópshiligi óz elderin tsifrlyq túrlendirý boiynsha kúsh-jigerin arttyryp, ashyq úkimet úshin azamattarǵa tezirek jáne tiimdirek qyzmet kórsetý jáne qoǵamdyq senimdi qalpyna keltirý úshin múmkindikter jasaýda».
Is-shara barysynda Koreia Respýblikasy men EYDU halyqaralyq sarapshylary Tsifrlyq úkimet saiasaty salasyndaǵy negizdemelik tujyrymdamany (DGPF) qoldanýdyń tabysty mysaldary men komponentterin usyndy. Qatysýshylar sondai-aq osy baǵyttaǵy syn-qaterler men problemalardy talqylaýǵa jáne taldaýǵa ári saiasatty tiimdi jetildirý men iske asyrý jónindegi keńestermen tanysýǵa múmkindik aldy.
Is-sharanyń ekinshi kúni Aqparattyq kommýnikatsiialyq tehnologiialar aptalyǵy aiasynda ótti. BUU-nyń "Elektrondy úkimet 2022 zertteýi nátijelerimen Ózbekstan úkimeti, atap aitqanda, Ózbekstan Respýblikasy Aqparattyq tehnologiialar jáne kommýnikatsiialar ministrligi janyndaǵy elektrondyq úkimet jobalaryn basqarý ortalyǵy BUU ekonomikalyq jáne áleýmettik máseleler jónindegi departamentimen (BUU EÁMD) birlese otyryp usyndy. Olar sonymen birge osy saladaǵy aimaqtyq tendentsiialardy kórsetti. Is-shara barysynda Estoniia elektrondy úkimet akademiiasynyń (EGA) jetekshi sarapshylary tsifrlyq transformatsiia salasyndaǵy tabysty innovatsiialyq jobalarymen tanystyrdy. Sonymen qatar, qatysýshylar «ICTEXPO» Halyqaralyq IT-kórmesin tamashalap, Ózbekstan Respýblikasynyń jańa tehnologiialarymen, ádis-tásilderi jáne jobalarymen tanysty.
Eki kúndik seminar Astanadaǵy Memlekettik qyzmet haby (ACSH), Qazaqstandaǵy BUU Damý baǵdarlamasy, Ishki ister jáne qaýipsizdik ministrligi (MOIS), Koreia Respýblikasynyń Ulttyq aqparattyq qoǵam agenttigi (NIA), Ózbekstan Respýblikasy ATO damytý ministrligi janyndaǵy elektrondy memlekettik jobalardy basqarý ortalyǵy jáne Ózbekstandaǵy BUUDB jáne EYDU qoldaýymen uiymdastyryldy.
