Tsifrlyq teńgeni tez arada engizý – satyp alýdaǵy jemqorlyq problemasynyń irgeli sheshimi. Bul týraly QR Sybailas jemqorlyqqa qarsy is-qimyl agenttiginiń tóraǵasy Alik Shpekbaev aitty, dep habarlaidy QazAqparat.
«Tájiribe kórsetkendei, satyp alý salasy kóleńkeli ekonomikany jandandyratyn jáne jemqorlyq týdyratyn salanyń biri. Sondyqtan Ulttyq palatamen («Atameken» UKP) birlesken jumystyń taǵy bir baǵyty - biýdjetti qalyptastyrý kezinde de, ony igerý kezinde de baǵa komplaensin engizý. Jasyratyny joq, kóbinese biýdjetke salynatyn baǵalar jemqorlyq múddeleri úshin ádeii qymbattatylady. Osyǵan orai biz naqty baǵalar men iske asyrylǵan sharttar negizinde qandai da bir satyp alýdyń biýdjetin qalyptastyrýdy usynamyz. Bul satyp alynatyn taýarlardyń, jumystar men qyzmetterdiń biýdjetin «ulǵaitýǵa» múmkindik bermeidi. Osylaisha, úlestes kompaniialardyń baǵa usynystary negizinde biýdjettik josparlaý artta qalady», - dedi Alik Shpekbaev agenttiktiń alqa otyrysynda.
Agenttik basshysy oryndalǵan jumystardyń jalǵan aktilerine qol qoiý problemasyn sheshý úshin olardy egjei-tegjeili jariialaý, sondai-aq tapsyrys berýshilerdiń ony mysaly 3 kúnnen aspaityn merzimde qaraýyn engizý usynylatyndyǵyn aitty. Bul bir ǵana maqsatty kózdeitin aktilerge qol qoiýdy qasaqana keiinge qaldyrý múmkindigin edáýir qysqartatyndyǵyna nazar aýdartty.
«Tsifrlyq teńgeni tez arada engizý – satyp alýdaǵy jemqorlyq problemasynyń irgeli sheshimi, bul biýdjet qarajatyn igerýdiń búkil protsesin qadaǵalaýǵa múmkindik beredi, «qolma-qol aqsha» shemalaryn jáne jalǵan kásiporyndar qurýdy toqtatady», - dedi ol.
