تسيفرلىق تەڭگەنٸ تەز ارادا ەنگٸزۋ – ساتىپ الۋداعى جەمقورلىق پروبلەماسىنىڭ ٸرگەلٸ شەشٸمٸ. بۇل تۋرالى قر سىبايلاس جەمقورلىققا قارسى ٸس-قيمىل اگەنتتٸگٸنٸڭ تٶراعاسى اليك شپەكباەۆ ايتتى, دەپ حابارلايدى قازاقپارات.
«تەجٸريبە كٶرسەتكەندەي, ساتىپ الۋ سالاسى كٶلەڭكەلٸ ەكونوميكانى جانداندىراتىن جەنە جەمقورلىق تۋدىراتىن سالانىڭ بٸرٸ. سوندىقتان ۇلتتىق پالاتامەن («اتامەكەن» ۇكپ) بٸرلەسكەن جۇمىستىڭ تاعى بٸر باعىتى - بيۋدجەتتٸ قالىپتاستىرۋ كەزٸندە دە, ونى يگەرۋ كەزٸندە دە باعا كومپلاەنسٸن ەنگٸزۋ. جاسىراتىنى جوق, كٶبٸنەسە بيۋدجەتكە سالىناتىن باعالار جەمقورلىق مٷددەلەرٸ ٷشٸن ەدەيٸ قىمباتتاتىلادى. وسىعان وراي بٸز ناقتى باعالار مەن ٸسكە اسىرىلعان شارتتار نەگٸزٸندە قانداي دا بٸر ساتىپ الۋدىڭ بيۋدجەتٸن قالىپتاستىرۋدى ۇسىنامىز. بۇل ساتىپ الىناتىن تاۋارلاردىڭ, جۇمىستار مەن قىزمەتتەردٸڭ بيۋدجەتٸن «ۇلعايتۋعا» مٷمكٸندٸك بەرمەيدٸ. وسىلايشا, ٷلەستەس كومپانييالاردىڭ باعا ۇسىنىستارى نەگٸزٸندە بيۋدجەتتٸك جوسپارلاۋ ارتتا قالادى», - دەدٸ اليك شپەكباەۆ اگەنتتٸكتٸڭ القا وتىرىسىندا.
اگەنتتٸك باسشىسى ورىندالعان جۇمىستاردىڭ جالعان اكتٸلەرٸنە قول قويۋ پروبلەماسىن شەشۋ ٷشٸن ولاردى ەگجەي-تەگجەيلٸ جارييالاۋ, سونداي-اق تاپسىرىس بەرۋشٸلەردٸڭ ونى مىسالى 3 كٷننەن اسپايتىن مەرزٸمدە قاراۋىن ەنگٸزۋ ۇسىنىلاتىندىعىن ايتتى. بۇل بٸر عانا ماقساتتى كٶزدەيتٸن اكتٸلەرگە قول قويۋدى قاساقانا كەيٸنگە قالدىرۋ مٷمكٸندٸگٸن ەدەۋٸر قىسقارتاتىندىعىنا نازار اۋدارتتى.
«تسيفرلىق تەڭگەنٸ تەز ارادا ەنگٸزۋ – ساتىپ الۋداعى جەمقورلىق پروبلەماسىنىڭ ٸرگەلٸ شەشٸمٸ, بۇل بيۋدجەت قاراجاتىن يگەرۋدٸڭ بٷكٸل پروتسەسٸن قاداعالاۋعا مٷمكٸندٸك بەرەدٸ, «قولما-قول اقشا» سحەمالارىن جەنە جالعان كەسٸپورىندار قۇرۋدى توقتاتادى», - دەدٸ ول.
