1 - Álibbi túzeý degen túrik jurtynda kópten kele jatqan másele. Másele qozǵalǵannan beri túrik álibbiiniń túzelgen jaqtary da bar. Túrik álibbiiniń túbi arabtan shyqqanmen, túrik tiline ikemdelip, ózgeris kirip, taza kúiinde turmaǵandyqtan, men ony, arab álibbii demei túrik álibbii deimin.
2 - Osy kúngi jurttardyń bári de ózi shyǵarǵan álibbiin tutynyp otyrǵan joq. Báriniki de ózgeden ózgertip alǵan álibbi iaýropa jurt- tarynyń tutynǵan álibbiiniń túbi kóne semit álibbii. Kóne semit álibbiin óz tiline úilestirip pinikiie jurty alǵan; Onan grek alǵan, grekten latyn, iaýrypa jurttary alǵan. Túrik álibbiiniń túbi de kóne semit álibbii. Onan kópelikter alǵan, kópelikten arab óz tiline úilestirip alǵan, arabtan iran, túrik jana basqa musylmandar alǵan. Solardyń qaisysy da biriniń álibbiin biri alǵanda, turǵan qalpynda almaǵan, óz tiliniń dybystaryna qarai ózgeris kirgizip alǵan, tiline álibbidiń artyǵy bolsa, alyp tastaǵan, kemtigi bolsa árip qosyp tolyqtyrǵan, dál kelmegen áripter bolmasa, onyń ne túsin ózgertip, ne dybysyn ózgertip alǵan. Sondai óz tiline ikemdep ózgeris jasap alǵan álibbilerine ár qaisysy óz attaryn qoiyp latyn álibbii, orys álibbii degende, túrik óz tiline úilestirgen álipbiin túrik álibbii dep, qazaq onan óz tiline úilestirip alǵan álibbiin qazaq álibbii dep ataýǵa jolymyz bolýǵa tiis.
3 - Túrik jurttary álibbi túzeimiz dese, bári qosylyp bir álibbi túzei almaidy; óitkeni tilderindegi dybystarynyń túrleri birdei emes. Dybystary birdei bolmasa, bárine birdei jalpylap álibbi jasaýǵa bolmaidy, óitkeni olai jasalǵan álibbidiń ne áripteri tus kelmeske tiis, ne áripteriniń dybystary tus kelmeske tiis. Sondyqtan túrik jurttary úshin bir álibbi túzeý degen máseleni – bir álibbidi bári negizge alyp, túrik jurtynyń ár qaisysy óz tiline úilestirý dep túsiný kerek. Solai bolǵan soń bizge eń áýeli, negiz bolarlyq álibbi kerek; Sol álibbidi qarastyryp tabýymyz kerek.
4 - Túrik jurttary álibbii joq jurt bolsa belgili – belgili álibbiler- di alar edi de, túrli jaǵynan qolaily qolaisyzdyǵynan qarar edi de, unatqan bireýin alar edi. Túrik jurty ondai emes, kópten tutynyp kele jatqan álibbii bar jurt. Kópten qoldanyp kózge úiir bolyp, kóńilge sińgen, qalyqqa tamyry taralǵan álibbidi tastai salyp, basqa álibbi ala qoiý ońai jumys emes. Solai bolǵan soń túrik jurttary bárine birdei negiz bolarlyq álibbi izdegende, áýeli, óz álibbiiniń ondai negiz bolýǵa jaraitun jaramaitundyǵyn anyqtap asharǵa kerek. Ekinshi óz álibbii jaramasa, onan artyq álibbi tabarǵa kerek. Úshinshi, qolailaǵan álibbidi túrik jurtynyń ár qaisysy óz tiline úilestirý kerek. Álibbi túzeý júzinde aldymen isteletún osy úsh jumys.
5 -Túrik jurttarynda álibbi túzeý máselesi qozǵalyp júrgen sebebi – bir kezde túrik jurtynyń butaqtary ósken soń, bárine birdei shaq kelmei júrgendigi, ol kemshilik túrik álibbiinde joq dep eshkim aita almaidy. Biraq sol kemshiligi ne darajaly kemshilik? Negizdi kemshilik be, neken-saiaq kemshilik be? Ekinshi sózben aitqanda túrik álibbiin negizge alýǵa jaratpai shyǵaryp tastaitun kemshilik be? Bolmasa olai-bulai túzetýmen ońdalatun kemshilik be? Osy jerin ashýymyz kerek.
6 - Álibbi talǵap birin artyq birin kem degende, birinde min kóp, birinde az degende, taban tirep baǵalaitun bir tianaq bolýy kerek. Ol tianaq álibbi qasietterinen shyǵatun narq bolarǵa kerek, ashyp aitqanda onymyz álibbidi buldy bolsyz qylatun sypattary bolarǵa kerek. Meniń oiymsha jaqsy álibbidiń qasietteri mynadai bolýǵa kerek: 1. Jaqsy álibbi tilge shaq bolý kerek. Ólshenbei tigilgen o jer bu jer boiǵa jýyspai, qolbyrap, solbyrap turǵan keń kiim siiaqty artyq áripteri de qolaisyz; Boiyńdy qysyp, tánińdi qurystyryp tyrys- tyryp turǵan tar kiim siiaqty árpi kem álipbi de qolaisyz bolady. 2. Jaqsy álibbi jazýǵa jeńil bolýǵa tiis. Álibbidiń árip súgiretteri qiyn bolsa, músheleri kóp bolsa, jazýdy uzaqtatyp ýaqytty kóp alady. 3. Álibbidiń jaqsysy baspa isine qolaily bolý tiis, áripi tizgende ońai tiziletun, basqanda oryndy az alatun álibbi baspa sózdi arzandatady. 4. Jaqsy álibbi úiretýge de qolaily bolýy tiis. Árpi sara jazýǵa ońai, baspasymen jazbasynyń sýreti jaqyn álipbi úiretýge jeńil bolady. Jaqsy álibbige ylaiyq bul tórt sypatqa kelmeitun álibbilerdiń bári de kemshilikti álibbi bolmaq. Tutynyp júrgen túrik álibbiin buldaǵanymyzda da, basqa álibbidi buldaǵanymyzda da, osy tórt sypat jaǵynan qarap buldaýymyz kerek.
7 - Tutynyp júrgen álibbidiń o jer bu jerin ózgertip túzetý degen ońai nárse; Tutynyp júrgen álibbidi tastap, basqa álibbi alý degen ol – óte qiyn jumys. Ony isteýge kóp qarjy kerek. Ondai ózgeris jasaý: Isteýge adamy quraly sai, jumsaýǵa qarjysy mol, áldi jurttardyń qolynan kelmek. Bizder siiaqty anasy da mynasy da joq – mesheý jurttarǵa bir álibbidi tastap ekinshi álibbidi ala qoiý ońai jumys emes. Solai bolǵan soń, biz osy kúngi tutynyp júrgen álibbiimizdi ábden tekserip, negiz bolýǵa tipti jaramaitun bolǵanda ǵana, sharasyzdyqtan basqa álibbidi negizge alýymyz kerek. 8 - Túrik álibbiiniń qolaisyzdyǵynan zalal shegip júrgen túrik jurt- tarynyń ár qaisysy qandai kemshiligi bar ekenin, ol kemshilikteri túzeýge bolarlyq kemshilik be, bolmaitun kemshilik be, – bolmaitun kemshilik be, – ashý kerek. Qazaq da, bashqurt da, noǵai da, ózbek de, túrikben de, azyrbaijan da túrik álipbiiniń negiz bolatun – bolmaitun kemshilikterin ábden ashsa, sonda túrik jurty bolyp, basqa álibbi izdeýge bolady. Oǵan deiin latyn álibbiin alamyz dep, jasalyp jatqan jobalar asyqqandardyń isi bolsa kerek.
9 - Máseleniń qazaqqa qaraǵan jaǵyna kelsek, biz túrik álibbiin túzep, tilimizge shaǵyndap álibbi jasaǵanymyzǵa on jyldan asyp barady. Qazaq álibbii túrik álibbiin negizge alyp, qazaq tili úshin álibbi jasaý ońai ekendigin kórsetti. Qazaq basqa álibbi alamyz dese, ózgelerdi elikteý- men alamyz demese, óz álibbii jaramaǵandyqtan, sharasyz bolyp alamyz demeidi. Qazaq tiliniń dybystary anyqtalyp ashylǵan, ol dybystarǵa árip arnalǵan. Álibbi degen osy bolady. Biz álibbi túzeimiz degende túrik álibbiin tilimizge kelmegen soń tastap túzeimiz demeimiz, álibbiimizdiń túzelmei qalǵan jaǵy bar; Sonysyn ǵana túzeimiz deimiz.
10 - Túrik álibbiiniń basqa túri qolaisyz. Onysy baspa isi júzinde de, úiretý júzinde de kemshilik qylady. Bizdiń baspa áripterimiz jazba siiaqty tirkesip basylady. Iaýrypa jurttarynyń, onan basqa da jurttardyń kóbiniń aq baspa áripteri dara basylady. Dara árip sara kórinedi. Jazba túrinde tirkesip basylǵan da, áriptiń basta, ortada, aiaqta ushyraitun túrleriniń bári alynyp, bir árip birneshe túr bolyp saralyǵy kemidi. Munan keletun kemshilik, áýeli bir áriptiń birneshe túrde bolýy árip uiasyn kóbeitip, árip tizý jumysyn qiyndatady; Ekinshi árip saralyǵyn kemitýmen úiretken shaqta kemshilik qylady. Úshinshi sol kemshiliginiń kesirinen osy kúnge deiin túrik jurttary qol máshina jasatyp, tutyna almai keldi. Biz álibbi túzeimiz degende álibbiimizdiń osy kemshiligin túzetemiz deimiz. Álgi aitylǵan úsh túrli kemshilik bári kelip bir shuqyrǵa quiatyn kemshilik, álibbiimizdiń baspa túrin daralaýmen úsh kemshiliktiń úsheýi de joǵalmaqshy.
11- Baspa túrin daralaý qoldan kelmestei onsha qiyn da, kóp te jumys emes. Árip túri dara men tirkes ekeýiniń aralyǵynda basylsa oqýǵa bolatundyǵyn kórseterlik az da bolsa tájiribe bar. Qol mashinaǵa jasalǵan áriptermen dara basylǵan sózderdi jyldam oqyp ketpegenmen aqyrynda oqýǵa ár kimge de bolady. Tanýǵa bolsa, jyldam oqý degen kóz úirenýmen jattyǵatyn nárse, qol mashinaǵa jasalǵan áripter de kóre- bile amalsyzdyqtan kónip otyrǵan kemshilikter bar. Baspaǵa arnap jasaǵan áripter de ol amalsyz jiberilip otyrǵan kemshilikter bolmaidy. Sóitip qazaqqa qolaisyzdyq qylyp otyrǵan túrik álibbiiniń jalǵyz aq baspa túri bolyp shyǵady; Sondyqtan bizdiń álibbi túzeimiz degendegi isteitin isimiz áripterdiń baspasyn dara túrge ainaldyrý bolyp shyǵady.
12- Qazaq tiline túrik álibbiinen qolaily álibbi bar shyǵar, ony nege qarastyrmaimyz, ony nege almaimyz deýshi bar shyǵar. Solai bolǵan soń máseleniń bu jaǵynda úndemei ótýge bolmaidy. Sońǵy kezde túrik tiline óte qolaily dep júrgen álibbi latyn álibbii. Bul álibbidiń túrik álibbiimen salystyrǵanda artyqtyǵy jalǵyz aq baspa túriniń daralyǵynda; Basqa jaǵynan qaraǵanda kemshiligi kóp, artyqtyǵy joq. Joǵaryda aitylǵan jaqsy álibbige laiyq tórt sypat jaǵynan synǵa alyp, eki álibbidi qatar qoiyp qarap shyqsaq ekeýiniń de artyq kem jeri belgili bolmaq.
13- Jaqsy álibbidiń belgisiniń biri – tilge shaqtyǵy dep edik. Áýeli eki álibbidi osy jaǵynan salystyryp qaraiyq: qaisysy qazaq tiline sáikesirek keledi eken. Túrik álibbiiniń qazaq dybystaryna tuspa-tus kelgendikten ózgertý- siz, erejesiz tigilei alynǵan áripter: A, b, p, t, j, d, r, z, s, sh, ǵ, q, k, g, ń, l, m, n, i barlyǵy 19 árip. Buryn derbes iemdegen dybysy joq bolyp birde olai, birde bulai jumsalyp júrgendikten erejelep bekitip alyp otyrǵan áripterimiz: u. Latyn álibbiin alýǵa jasaǵan jobaǵa qaraǵanda (Qalel jobasy), latyn álibbiinen qazaq dybystaryna tuspa-tus kelgendikten ózgertýsiz, erejesiz, tigilei alynatun áripter: A(a), B(b), d (d), 1(Λ), m(m), n(n), o(o), p(p), r(r), s(s), t(t), z(z), k(k), g(g) – barlyǵy 14 árip. Naq tuspa-tus kelmegenmen jýyqtyǵy barlyqtan erejelep ikemdeýge keletun áripter: e(e), j(j), i(i), u(ý) – beseý. Qazaq dybysyna jýyq keletun de árip bolmaǵandyqtan ózgertip alynatun áripter: g(ǵ), k(q), n(ń), ó(u) – tórteýi. Munyń ústine derbes bir árip kelmegendikten, eki belgimen alynatun sh dybysynyń áripi sh(sh) bar. Bul salystyrý júzinde latyn álibbiinen túrik álibbiiniń anaǵurlym artyqtyǵy aiqyn-aq kórinip tur: Túrik álibbiinen erejesiz, ózgertýsiz 19 árip qazaq dybysyna sáikes kelgende, latyn álibbiinen 14-aq dybys sáikes kelip tur. Túrik álibbiinen erejemen 4 árip alynǵanda, latyn álibbiinen ere- jemen 5 árip alynatun kórinedi. Túrik álibbiinen ózgertýmen alynǵan árip bireý-aq; Latyn álibbiin alǵanda ondai árip tórteý bolatun kórinedi. Túrik álibbiinde bir dybysqa eki árip alynbaidy; Latyn álibbiin alǵanda ondaida bolatun kórinedi. Jaqsy álibbidiń ekinshi sypaty jazýǵa jeńildigi dep edik. Endi ol jaǵynan da salystyryp qaraiyq. Árip sýretiniń ońai qiyndyǵy da múshesiniń az-kóbi de qalam sermeýinen ólshenedi. Qalamnyń bir sermeýimen jazylatun árip eki sermeýmen jazylatun áripten shapshańyraq jazylady, qalamnyń qysqa sermeýinen jazylatun árip uzyn sermeýmen jazylatun áripten shapshańyraq jazylady. Bu jaǵynan salystyrǵanda da túrik álibbiiniń anaǵurlym artyqtyǵy aiqyn ekendigin kórý qiyn emes. Túrik álibbiindegi qalam sermeý sany: A(1/2-1), b(1-2), p(11/2-2), t(11/2-2), j(11/2-2), d(1), r(1/2-1), z(1-2), s(1/2-1-3), sh(11/2-2-3-4), ǵ(1/2-1), q(11/2-2), k(2), g(3), ń(3), n(11/2-2), l(1), o(1), u(2), ý(2), e(2-1), y(1), i(11/2-2) barlyǵy 33-41; onyń da kóbi núkte. 2) Latyn álibbiindegi qalam sermeý sany: a(2), b(2), p(2), t(2), j(2), hs(2), d (2), r(2), z(2), s(2), g(2), k(2), k(4), g(3), n(3), n(3),m(3), 1(1), o(1), ó(2), u(2), e(1), ý(2), i(2) barlyǵy 53 sermeý. Jaqsy álibbidiń ekinshi sypat jaǵynan da túrik álibbi anaǵur- lym artyq bolyp shyqty. Túrik álibbiinde qalam sermeýi 41, latynda 53. Túrik álibbiinde sermeýdiń kóbi núkte siiaqty qysqa sermeý. Qysqa sermeýli árippen uzyn sermeýli áripti jazý ekeýi birdei bolmaidy. Jaqsy álibbidiń ekinshi sypat jaǵynan da túrik álibbii anaǵurlym artyq bolyp shyqty. Túrik álibbiinde qalam sermeýi 41, latynda 53. Qysqa sermeýli árippen uzyn sermeýli áripti jazý ekeýi birdei bolmaidy. Jaqsy álibbidiń úshinshi qasieti – baspaǵa qolailylyǵy degen edik. Bu jaǵynan báigeni latyn álibbii bul báigeni de ala almaidy.
Jaqsy álibbidiń tórtinshi qasieti úiretýge jeńildigi dep edik. Álibbi úiretýge jeńil bolady:
1) áripteriniń pishini saralyǵymen;
2) baspa túri men jazba túriniń jaqyndyǵymen;
3) sýretiniń jaby súgireiligimen, - jazýǵa sheberlikti onsha kerek qylmaýymen.
Saralyq jaǵynan túrik álibbiiniń osy kúngi túri latyn álibbiinen tómen; óitkeni baspasynyń bas, orta, aiaq túrleri árip saralyǵyn kemitetindigi joǵaryda aityldy. Daralyq joqta áripte saralyqta bolmaidy baspasyn saralaǵanda túrik álibbii latyn álibbiinen saralyq jaǵynan de kem bolmaidy. Qattalatyn álibbii ulyly-kishili áripterimen alynsa, túrik álibbii úiretý jaǵynan da artyq bolady. Túrik álibbii daralanǵan shaqta latyn álibbii uly áripsiz bolǵan shaqta, ekeýi saralyq jaǵynan da úiretýge jeńildik jaǵynan da teńeledi. Baspa túri men jazba túriniń jaqyndyǵy jaǵynan salystyrǵanda, túrik álibbii latyn álibbiinen ozady: baspaǵa túrik álibbiiniń jazba túri alynǵan soń ekeýiniń arasynda aiyrymy az bolatyny aiqyn nárse. Túrik álibbiiniń baspasyn daralaǵanymyzda, osy kúngi dara túri men tirkes túriniń ortalyǵanda etip baspa áripter jasalsa baspa túrimen jazba túriniń arasyndaǵy jaqyndyq ilgeride de saqtalmaqshy. Dara túrin olai jasaý qoldan keletun nárse. Súgiretteriniń jaby súgireiligi jaǵynan salystyrǵanda túrik álib- bii latyn álibbiinen taǵy ozady. Árip jaby súgireileý bolsa úiretýge keltiretun jeńildigi jazý úiretken kezde bolady. Bala bolsyn, úlken bolsyn qat bilmeitin adamnyń jazýǵa úirenbegen qolyna árip sýretteri neǵurlym jaby súgireileý kelse, – neǵurlym sheberlikti az kerek qylsa, sol qurlym jeńildik keltirmek. Latyn álibbiinen kóri túrik álibbiiniń jaby súgireilik kóp ekenine eshkim talasbas dep ekeýin qatar qoiyp qarap jatýdy qajet kórmeimin, kerek deýshiler bolsa qatar qoiyp qarap ótýge de bolady. Onyń ústine túrik álibbiiniń jazý úiretkendigi keltiretun taǵy jeńildigi – túrik álibbiiniń 14 árpin jazyp úirengen soń, bylaiǵy 10-y úiretýsiz jazylady. Sóitip manaǵydan berginiń bárin qorytyp aitqanda, eki álibbidi salystyryp qaraǵandaǵy kórgenimiz ne? Túrik álibbiiniń latyn álibbiinen kem jeri baspa túriniń dara bolmai, tirkes bolǵandyǵy. Basqa jaǵynan kóbinese túrik álibbii artyq bolyp shyqty. Baspa túrin daralasaq, ol jalǵyz kemshilik de joǵalmaqshy. Áripti daralaý túrik álibbiin tastap latyn álibbiin alýdan álbette ońai bolsa kerek.
15- Latyn álibbiin alý degen sóz eki álibbi ábden tekserilgennen keiin shyǵyp júrgen sóz be, tekserýsiz tek alaiyq degennen shyǵyp júrgen sóz be – ol jaǵy maǵan qarańǵy. Tekserip qarasaq, latyn álibbiiniń túrik álibbiinen kemdigi bolmasa, artyqtyǵy kórinbeidi. Jamannan jaqsyǵa zalaldan paidaǵa boi uryý – jóni bar durys is ony árkim-aq qostaý tiis, jaqsydan jamanǵa, paidadan ziianǵa boi urǵanda, ony durys dep qostaýǵa bolmaidy. Latyn álibbiin alamyz deýshiler ol álibbidiń túrik álibbiinen ne artyqtyǵyn aiqyndap ashbai, paidaly ekendigin bainalap túsindirmei tek pálen-túgender alyp jatyr; bizde alamyz deidi. Elikteý men lepirtý bazary kóterińki nárse ekeni yras; Biraq bireý alyp jatyr eken dep latyn álibbiin alýǵa bolmaidy. Bireýdiń istegenin durys, burysyn teksermesten isteý tek elikteý bolady; Tek elikteýdi maimylsha elikteý dep aitady. Tese qarap tekserip, túrik álibbiinen latyn álibbiiniń artyqtyǵy mynaý, paidalylyǵy mynaý dep kózge kórsetken, eshkimdi áli kórgenim joq. Kóbiniki qur dúbirge qyzý, dúrmekke erý syiiaqty kórinedi.
16-Latyn álibbiin túrik álibbiinen kem de bolsa alamyz der edik, Latyn álibbii iaýrypanyń mádenietti jurttardyń páedi, sándi ádebietterin ózimen ala keletun bolsa, iaǵni ol jurttar bizben tuqymdas tili jaqyn bolyp, olardyń gazet, jurnal, pán kitaptaryn oqyp ketetun bolsaq, álibbiin alǵan men tilimizdiń arasynda eshbir jaqyndyq bolmaǵan soń, latyn álibbiinen ondai paidany kóre almaimyz. Bolmasa, latyn álibbiin tutynǵan jurttar orystyń ornynda bolyp, aýzyna qarap, ámirin kútip, balalarymyzǵa tilin úiretip otyrǵan jurttar bolsa eken. Onda da latyn álibbiin túrik álibbiinen tómen bolsa da, alýda maǵana bar der edik. Eń bolmasa, latyn árpin tutynǵan jurttar men kórshi otyryp, aralas-quralas bolyp, qatysyp, qabysyp, túiindesip jatqan isterimiz bolsa eken; Onda da paida-maidasy tierder edik. Munda oda joq. Tipti qolailyǵyn qoiyp, sulýlyǵy úshin alamyz desek, ol jaǵynan da latyn álibbiiniń jeńip shyǵyýy naǵaibyl; Óitkeni sulý jazý qoldyń sheberligine qaraidy. Qoly sheber adam ekeýimen de sulý jazady, qoly olaq adam ekeýimen de jaman jazady jazbasy emes basbasynyń sulýly- ǵy úshin alamyz desek, basba áriptiń sýreti sheber qolynan shyǵady, sheber qolynan ekeýi de sulý bolyp shyǵýy yqtimal.
17- O jaq bu jaǵyna qarap latyn álibbiine qyzyǵarlyq esh nárse taba almaimyz. Latyn álibbiin alǵanda, keltiretun paidasy joq bolmaq, isteitun ziiany kóp bolmaq ziiany sol – bul «saý basqa saqina tilep alýda» bolmai aýrý ústine aýrý tilep alý bolady. Bizdiń osy kúngi aýrýymyzdyń zory: Meshel óskendikten mádeniet júzindegi mesheýligimiz; nadandyq, saýatty adamdardyń, is qyla biletun adamdardyń azdyǵy, qarjysyzdyq, taǵysyn taǵy mádeniet jaǵynan kemshilikter. Sol aýrýdyń ústine latyn álibbiiniń aýrýy kelip jamalmaq. Latyn álibbiin alamyz deýshiler sol qiialyn qalai júzege shyǵara- myz deidi eken? Túrik álibbiin qalaisha qaldyryp, latyn álibbiin qalai- sha júrgizemiz deidi eken? Osy kúngi azda bolsa túrikshe saýattylyqty latyn álibbiiniń jolyna qurban qylyp, túrikshe saýatty adamdarymyz- dy saýatsyzdyqqa ainaldyramyz dei me eken? Áitpese bala oqytýǵa kúsh qural qarjy tabylmai jatqanda, túrikshe saýattylardy bir kúnde latynsha saýatty qylyp jiberemiz dei me eken? Bolmasa, burynǵy saýattylarǵa gazet, jornal, kitaptardy túrik álibbiimen bastyramyz dei me eken? Olai oilaitun bolsa, osy kúni bir álibbimen bastyrýǵa tabylmai jatqan qarjyny latyn álibbii ala keledi dei me eken? Osylardyń bárin anyqtap ashyp, túrik álibbiin túzeýden latyn álib- biin alýdyń ońailyǵyn kórsetkenshe latyn álibbii túrik álibbiinen jumysynyń jeńildigi jaǵynan da báige ala almaidy, túrik álibbiin túzeý jumysy jalǵyz aq basba árpin daralaý men bitedi. Ol jumys latyn álibbiin alýdan júz ese ońai bolatunyna talasatun adam tabylar ma eken?
Ahmet Baitursynuly
emle.kz
