Skrinshot: Qasym Amanjol feisbýk paraqshasynan
Treads áleýmettik jelisinde qoldanýshy Azattyq radiosynyń tv-prodiýseri Qasym Amanjol atymen tirkelgen báz bireý stalkerlik jasaǵanyna shaǵymdanǵan jazba jariialady. Jazba kópshiliktiń nazaryn buryp, ondaǵan adam pikir qaltyrdy. Belgili jýrnalist Qasym Amanjol osymen ekinshi ret ózine jala jabylyp, kásibi qyzmetine bailanysty ashyq túrde arandatý jasaldy dep baǵalady. Bul týraly Ult.kz habarlaidy.
"Jarty aidaǵy eki jala. Túnde uiyqtap bara jatyp, beimezgil qońyraýdan oiandym. Alańdaǵan ini-qaryndastar eken. Threads degen jelide meniń atymnan bireýge hat ketip, ol adam meniń sýretimdi qoiyp, túrli sózder jazyp, balaǵattap jatyr eken. Túkti túsinbei, ol jelini qalai ashatynyn da bilmeidi ekenmin, parolderimdi aýystyryp, Meta-ǵa aryz jazyp, ábden áýre boldym.
Osylaisha áleýmettik jelidegi provokatsiiaǵa sońǵy jarty aida ekinshi ret tap boldym.
Birinshisinde, qazannyń basynda - birneshe áriptes, eks-áriptespen qatar kórsetip, "Azattyq tilshileri az jalaqy alyp júrgende Biýro basshysynyń Almatyda 950 myń dollarlyq úii bar" dep tik-tok, insta, sosyn shyndyq.kz degen jerlerge shýyldatqan edi.
Eki jariialanym da - jala. Provakatsiia. Men muny adami ar-namysymdy taptaý úshin kásibi qyzmetime bailanysty ashyq túrde jasalǵan arandatý dep sanaimyn", - dep málimdedi Q. Amanjol óziniń feisbýk paraqshasynda.
Aita keteiik buǵan deiin ol Treads, Instagram, Whatsapp paraqtaryna shabýyl bolyp jatqanyn aityp, spam, túsiniksiz hattar, tipti aýdio taraǵanyn habarlaǵan.
"Saq bolyńyzdar, senip qalmańyzdar. Meta ákimshiligine shaǵymdanyp jatyrmyn", - degen jýrnalist.
