سكرينشوت: قاسىم امانجول فەيسبۋك پاراقشاسىنان
Treads ەلەۋمەتتٸك جەلٸسٸندە قولدانۋشى ازاتتىق راديوسىنىڭ تۆ-پروديۋسەرٸ قاسىم امانجول اتىمەن تٸركەلگەن بەز بٸرەۋ ستالكەرلٸك جاساعانىنا شاعىمدانعان جازبا جارييالادى. جازبا كٶپشٸلٸكتٸڭ نازارىن بۇرىپ, ونداعان ادام پٸكٸر قالتىردى. بەلگٸلٸ جۋرناليست قاسىم امانجول وسىمەن ەكٸنشٸ رەت ٶزٸنە جالا جابىلىپ, كەسٸبي قىزمەتٸنە بايلانىستى اشىق تٷردە ارانداتۋ جاسالدى دەپ باعالادى. بۇل تۋرالى Ult.kz حابارلايدى.
"جارتى ايداعى ەكٸ جالا. تٷندە ۇيىقتاپ بارا جاتىپ, بەيمەزگٸل قوڭىراۋدان وياندىم. الاڭداعان ٸنٸ-قارىنداستار ەكەن. Threads دەگەن جەلٸدە مەنٸڭ اتىمنان بٸرەۋگە حات كەتٸپ, ول ادام مەنٸڭ سۋرەتٸمدٸ قويىپ, تٷرلٸ سٶزدەر جازىپ, بالاعاتتاپ جاتىر ەكەن. تٷكتٸ تٷسٸنبەي, ول جەلٸنٸ قالاي اشاتىنىن دا بٸلمەيدٸ ەكەنمٸن, پارولدەرٸمدٸ اۋىستىرىپ, Meta-عا ارىز جازىپ, ەبدەن ەۋرە بولدىم.
وسىلايشا ەلەۋمەتتٸك جەلٸدەگٸ پروۆوكاتسيياعا سوڭعى جارتى ايدا ەكٸنشٸ رەت تاپ بولدىم.
بٸرٸنشٸسٸندە, قازاننىڭ باسىندا - بٸرنەشە ەرٸپتەس, ەكس-ەرٸپتەسپەن قاتار كٶرسەتٸپ, "ازاتتىق تٸلشٸلەرٸ از جالاقى الىپ جٷرگەندە بيۋرو باسشىسىنىڭ الماتىدا 950 مىڭ دوللارلىق ٷيٸ بار" دەپ تيك-توك, ينستا, سوسىن شىندىق.كز دەگەن جەرلەرگە شۋىلداتقان ەدٸ.
ەكٸ جارييالانىم دا - جالا. پروۆاكاتسييا. مەن مۇنى ادامي ار-نامىسىمدى تاپتاۋ ٷشٸن كەسٸبي قىزمەتٸمە بايلانىستى اشىق تٷردە جاسالعان ارانداتۋ دەپ سانايمىن", - دەپ مەلٸمدەدٸ ق. امانجول ٶزٸنٸڭ فەيسبۋك پاراقشاسىندا.
ايتا كەتەيٸك بۇعان دەيٸن ول Treads, Instagram, Whatsapp پاراقتارىنا شابۋىل بولىپ جاتقانىن ايتىپ, سپام, تٷسٸنٸكسٸز حاتتار, تٸپتٸ اۋديو تاراعانىن حابارلاعان.
"ساق بولىڭىزدار, سەنٸپ قالماڭىزدار. Meta ەكٸمشٸلٸگٸنە شاعىمدانىپ جاتىرمىن", - دەگەن جۋرناليست.
