تانىمال ەنشٸ تٶرەعالي تٶرەەلٸ ٷلكەن قىزى كەۋساردىڭ ەمدەلۋٸنە كٶمەكتەسٸپ جٷرگەن دەرٸگەرگە بٸر ميلليون تەڭگە سىيعا تارتتى. ٶنەر يەسٸ بۇل قۋانىشتى سەتتٸڭ ۆيدەوسىن ەلەۋمەتتٸك جەلٸدەگٸ پاراقشاسىندا جارييالادى, دەپ حابارلايدى ult.kz.
ەنشٸ قىزى ەم قابىلداپ جٷرگەن وڭالتۋ ورتالىعىنا ارنايى بارىپ, ونداعى مەرەكەلٸك ٸس-شاراعا قاتىسقان. جينالعاندارعا بٸرنەشە ەن ورىنداپ, بالالار مەن ولاردىڭ اتا-انالارىنا كٶتەرٸڭكٸ كٶڭٸل كٷي سىيلاعان.
كەزدەسۋ بارىسىندا تٶرەعالي قىزىنىڭ ەمٸندە وڭ ٶزگەرٸس بار ەكەنٸن ايتىپ, دەرٸگەرگە ەرەكشە العىسىن بٸلدٸردٸ. ٶنەر يەسٸنٸڭ سٶزٸنشە, ماماننىڭ ەڭبەگٸ مەن وڭالتۋ شارالارىنىڭ نەتيجەسٸندە كەۋسار ەڭبەكتەۋدٸ ٷيرەنگەن. بۇل جاڭالىق ەنشٸنٸڭ وتباسى ٷشٸن ٷلكەن قۋانىش بولعان. قىزىنىڭ جەتٸستٸگٸنە قۋانعان ەكە دەرٸگەرگە ريزاشىلىعىنىڭ بەلگٸسٸ رەتٸندە بٸر ميلليون تەڭگە تابىستادى. سونداي-اق اق حالاتتى مامانداردىڭ ەڭبەگٸن باعالاپ, بالالاردىڭ دەنساۋلىعىنا قاتىستى جٷرەكجاردى تٸلەگٸن ٶلەڭ جولدارىمەن جەتكٸزدٸ.
"جانارى تۇرعان شٸركٸن جانىپ وتتاي,
بٶبەكتەردٸ شەتەلگە جامىراتپاي.
بٸر كٷندە بۇيرىق كەلٸپ جاراتقاننان
بارلىق بالا كەتسە ەكەن شاۋىپ اتتاي!" – دەدٸ ەنشٸ.
تٶرەعالي تٶرەەلٸ بۇل ٶلەڭٸ ارقىلى ەم قابىلداپ جٷرگەن بالالاردىڭ بەرٸ ساۋىعىپ, ٶز اياعىمەن جٷرٸپ كەتسە دەگەن تٸلەگٸن بٸلدٸردٸ.
ەنشٸنٸڭ جارييالاعان بەينەجازباسىنا جەلٸ قولدانۋشىلارى كٶپتەگەن جىلى پٸكٸر قالدىرعان. ولار كەۋساردىڭ ەڭبەكتەي باستاعانىنا قۋانىپ, دەنساۋلىعىنىڭ جاقسارا بەرۋٸن تٸلەگەن.
سونداي-اق وقىرماندار دەرٸگەرلەردٸڭ ەڭبەگٸن باعالاپ, قىزىنىڭ ەربٸر جەتٸستٸگٸنە قۋانىپ جٷرگەن ەكەگە قولداۋ بٸلدٸرگەن.
