«Samuryq-Qazyna» AQ áleýmettik júktemesi bar nysandardy ótkizý úshin zańnamaǵa túzetýler engizýge bastamashy boldy. Bul týraly «Samuryq-Qazyna» AQ aktivterdi jekeshelendirý jáne qaita qurylymdaý departamentiniń direktory Dáýren Tasmaǵambetov jýrnalisterge bergen suhbatynda aitty.
Qazirgi ýaqytta jekeshelendirý nysandaryn, sonyń ishinde «Samuryq-Qazyna» AQ aktivterin de ókizý elektrondy aýktsion tásili arqyly júrgiziledi.
«Eger kompaniianyń aýyrtpalyqtary nemese áleýmettik júktemeler túrindegi kez kelgen arnaiy sharttary bolmasa, bul shaǵyn jáne orta aktivter úshin jaqsy ádis. Jumys barysynda osy ádisti jetildirý jóninde bizde usynystar paida bolyp, olardy Ulttyq ekonomika ministrligi men Qarjy ministrligine jiberdik, bizdi estidi dep úmittenemiz», - dedi Tasmaǵambetov.
Onyń aitýynsha, iri kompaniialar úshin elektrondyq aýktsion múldem qolaisyz ádis, óitkeni zańǵa sáikes, oǵan kez kelgen qosymsha sharttar qoiýǵa tyiym salynady. Al bul satylymnan keiin kompaniia qyzmeti baǵytynyń tolyqtai ózgerýine ákelip soqtyrady.
Jaqynda «Samuryq-Energo» AQ nysandary eki satyly konkýrsqa shyǵaryldy: «Mańǵystaý elektrotoraptyq bólý kompaniiasy» AQ, «Shyǵys Qazaqstan aimaqtyq energetikalyq kompaniiasy» AQ, «Aqtóbe JEO» AQ jáne «TegisMunai» JShS. Osy kompaniialardyń barlyǵy bastapqy baǵasynan bólek, yqtimal satyp alýshylar tarapynan oryndalýy mindetti birqatar sharttarǵa ie. Eger osy sharttar oryndalmaityn bolsa, qor aktivter ustaýshysy retinde kelisim - shartty buzýǵa jáne jańa investor izdeýge quqyly, dep habarlady basqarma bastyǵy.
Eske sala keteiik, «Samuryq-Qazyna» qorynyń nysandaryn jekeshelendirý eki tizim boiynsha júrgizilýde, olarǵa qordyń enshiles kompaniialarynyń 44 iri nysandary men 172 shaǵyn aktivteri kiredi.
.jpeg)