Dúniejúzinde eń jas qusbegi atanǵan qandasymyz Aisholpan Nurǵaiyp Almaty qalasyndaǵy Sýleiman Demirel ýniversitetiniń stýdenti atandy, dep habarlaidy "Ult aqparat".
Aita keteiik, qusbegilik ónerdi álemniń túkpir-túkpirinde nasihattap, Niý-Iorkte «Aziianyń batyr qyzy» ataǵyna ie bolǵan Aisholpanǵa budan buryn álemniń beldi joǵary oqý oryndary – Garvard pen Oksford bilim alýǵa usynys bildirgen bolatyn. Alaida, atajurtqa oralǵan qandasymyz biyl Nur-Sultan qalasyndaǵy «Spectrum» halyqaralyq mektebin támamdap, izinshe otandyq JOO-ǵa oqýǵa tústi.
Qazaq halqynyń qusbegilik ónerin álemdik arenada keńinen nasihattap, otandyq etnomádenietke eleýli úles qosqany úshin Aisholpan Nurǵaiypqa S.Demirel ýniversitetiniń basshylyǵy 100 paiyzdyq bilim grantyn taǵaiyndaǵan bolatyn.
Aisholpan «Eki shet tili» mamandyǵyn tańdap otyr.
«Oqýǵa túsken kúnnen bastap sabaǵymdy jaqsy oqyp, birneshe shet tilin meńgergen myqty maman bolǵym keledi. Tek bilim alyp qana qoimai, óz-ózimdi jan-jaqty damytyp, dostar taýyp, naǵyz SDÝ stýdenti atanamyn degen úmittemin. Meniń ónerime tánti bolyp, Londondaǵy Oxford ýniversiteti jáne Amerikadaǵy birqatar ýniversitetter oqýǵa shaqyrǵan bolatyn. Alaida, men óz atamekenim – Qazaqstanda qalatyn boldym», - dep lebizin bildirdi 1-kýrs stýdenti atanǵan Aisholpan Nurǵaiyp.
Aita keteiik, 2014 jyly aǵylshynnyń «Daily Mail» basylymy qusbegilik ónerin igergen 13 jastaǵy qazaq qyzy týraly maqala jariialap, Aisholpandy búkil álemge tanymal etken bolatyn. Osydan keiin rejisser Otto Bell «Búrkitshi qyz» (The Eagle Huntres) atty derekti film túsirdi. Atalǵan film Oskar syilyǵyna úmitker úzdik 15 filmniń qataryna endi. Sol kezde film avtorlary túsirilim jumystaryn qalai júrgizgenderin aityp berdi.
Al Avstraliia ánshisi Siia Ferler «Angel by the Wings» atty ánine klip shyǵardy.Atalǵan shyǵarma Mońǵoliiadaǵy búrkitshi qazaq qyzy Aisholpan Nurǵaiypqyzy týraly derekti filmniń resmi saýndtregi bolyp sanalady.
Sondai-aq, Aisholpanǵa «Asia Game Changer Awards 2017» syilyǵy berilgen bolatyn.
2018 jyly mońǵoliialyq qandasymyz Qazaqstanǵa arnaiy kelip ketken edi. Sol tusta ózi túsken «Kóshpendiler» derekti filminiń «Mońǵoliia qazaqtary: Búrkitshiler» bólimi kórermenge jol tartty.
