دٷنيەجٷزٸندە ەڭ جاس قۇسبەگٸ اتانعان قانداسىمىز ايشولپان نۇرعايىپ الماتى قالاسىنداعى سۋلەيمان دەميرەل ۋنيۆەرسيتەتٸنٸڭ ستۋدەنتٸ اتاندى, دەپ حابارلايدى "ۇلت اقپارات".
ايتا كەتەيٸك, قۇسبەگٸلٸك ٶنەردٸ ەلەمنٸڭ تٷكپٸر-تٷكپٸرٸندە ناسيحاتتاپ, نيۋ-يوركتە «ازييانىڭ باتىر قىزى» اتاعىنا يە بولعان ايشولپانعا بۇدان بۇرىن ەلەمنٸڭ بەلدٸ جوعارى وقۋ ورىندارى – گارۆارد پەن وكسفورد بٸلٸم الۋعا ۇسىنىس بٸلدٸرگەن بولاتىن. الايدا, اتاجۇرتقا ورالعان قانداسىمىز بيىل نۇر-سۇلتان قالاسىنداعى «Spectrum» حالىقارالىق مەكتەبٸن تەمامداپ, ٸزٸنشە وتاندىق جوو-عا وقۋعا تٷستٸ.
قازاق حالقىنىڭ قۇسبەگٸلٸك ٶنەرٸن ەلەمدٸك ارەنادا كەڭٸنەن ناسيحاتتاپ, وتاندىق ەتنومەدەنيەتكە ەلەۋلٸ ٷلەس قوسقانى ٷشٸن ايشولپان نۇرعايىپقا س.دەميرەل ۋنيۆەرسيتەتٸنٸڭ باسشىلىعى 100 پايىزدىق بٸلٸم گرانتىن تاعايىنداعان بولاتىن.
ايشولپان «ەكٸ شەت تٸلٸ» ماماندىعىن تاڭداپ وتىر.
«وقۋعا تٷسكەن كٷننەن باستاپ ساباعىمدى جاقسى وقىپ, بٸرنەشە شەت تٸلٸن مەڭگەرگەن مىقتى مامان بولعىم كەلەدٸ. تەك بٸلٸم الىپ قانا قويماي, ٶز-ٶزٸمدٸ جان-جاقتى دامىتىپ, دوستار تاۋىپ, ناعىز سدۋ ستۋدەنتٸ اتانامىن دەگەن ٷمٸتتەمٸن. مەنٸڭ ٶنەرٸمە تەنتٸ بولىپ, لوندونداعى Oxford ۋنيۆەرسيتەتٸ جەنە امەريكاداعى بٸرقاتار ۋنيۆەرسيتەتتەر وقۋعا شاقىرعان بولاتىن. الايدا, مەن ٶز اتامەكەنٸم – قازاقستاندا قالاتىن بولدىم», - دەپ لەبٸزٸن بٸلدٸردٸ 1-كۋرس ستۋدەنتٸ اتانعان ايشولپان نۇرعايىپ.
ايتا كەتەيٸك, 2014 جىلى اعىلشىننىڭ «Daily Mail» باسىلىمى قۇسبەگٸلٸك ٶنەرٸن يگەرگەن 13 جاستاعى قازاق قىزى تۋرالى ماقالا جارييالاپ, ايشولپاندى بٷكٸل ەلەمگە تانىمال ەتكەن بولاتىن. وسىدان كەيٸن رەجيسسەر وتتو بەلل «بٷركٸتشٸ قىز» (The Eagle Huntres) اتتى دەرەكتٸ فيلم تٷسٸردٸ. اتالعان فيلم وسكار سىيلىعىنا ٷمٸتكەر ٷزدٸك 15 فيلمنٸڭ قاتارىنا ەندٸ. سول كەزدە فيلم اۆتورلارى تٷسٸرٸلٸم جۇمىستارىن قالاي جٷرگٸزگەندەرٸن ايتىپ بەردٸ.
ال اۆسترالييا ەنشٸسٸ سييا فەرلەر «Angel by the Wings» اتتى ەنٸنە كليپ شىعاردى.اتالعان شىعارما موڭعوليياداعى بٷركٸتشٸ قازاق قىزى ايشولپان نۇرعايىپقىزى تۋرالى دەرەكتٸ فيلمنٸڭ رەسمي ساۋندترەگٸ بولىپ سانالادى.
سونداي-اق, ايشولپانعا «Asia Game Changer Awards 2017» سىيلىعى بەرٸلگەن بولاتىن.
2018 جىلى موڭعولييالىق قانداسىمىز قازاقستانعا ارنايى كەلٸپ كەتكەن ەدٸ. سول تۇستا ٶزٸ تٷسكەن «كٶشپەندٸلەر» دەرەكتٸ فيلمٸنٸڭ «موڭعولييا قازاقتارى: بٷركٸتشٸلەر» بٶلٸمٸ كٶرەرمەنگە جول تارتتى.
