«Álem barysy» álem chempionatynyń jartylai finalynda Resei palýany Roman Bobikov Ózbekstan palýany Mýhsin Hisamiddinovpen beldesti. Tartysty ótken beldesýde Resei palýany jeńiske jetti, dep habarlaidy "Ult aqparat".
Aita keteiik, ótken jyly Resei palýany Roman Bobikov Grýziia palýany Gýram Týshishvili boz kilemge shyqpaǵandyqtan úshinshi oryn alǵan edi. Sol jyldyń 23-24 maýsymynda Batýmide ótken qazaq kúresinen birinshi Eýropa chempionatynda ol 100 keliden joǵary salmaq dárejesinde bas júlde ielengen.
Al, biyl aqtyq jekpe-jeke deiin jetip otyr. Endi ol Álem barysy ataný úshin Aibek Nuǵymarovpen beldesedi.
Osy beldesýge deiin barlyq qarsylasyn utyp kelgen Aibek Nuǵymarovtyń «Qazaqstan barysy» (2013), «Álem barysy» (2017), qazaq kúresinen 4 dúrkin Álem chempiony (2010, 2013, 2014, 2016), qazaq kúresinen 4 dúrkin Aziia chempiony (2008, 2009, 2014, 2018) syndy ataqtary bar. Sonymen qatar QR eńbek sińirgen sport sheberi, qazaq kúresinen halyqaralyq dárejedegi sport sheberi ataǵy bar sportshymyz «Qurmet» ordeniniń de iegeri.
