«ەلەم بارىسى» ەلەم چەمپيوناتىنىڭ جارتىلاي فينالىندا رەسەي پالۋانى رومان بوبيكوۆ ٶزبەكستان پالۋانى مۋحسين حيساميددينوۆپەن بەلدەستٸ. تارتىستى ٶتكەن بەلدەسۋدە رەسەي پالۋانى جەڭٸسكە جەتتٸ, دەپ حابارلايدى "ۇلت اقپارات".
ايتا كەتەيٸك, ٶتكەن جىلى رەسەي پالۋانى رومان بوبيكوۆ گرۋزييا پالۋانى گۋرام تۋشيشۆيلي بوز كٸلەمگە شىقپاعاندىقتان ٷشٸنشٸ ورىن العان ەدٸ. سول جىلدىڭ 23-24 ماۋسىمىندا باتۋميدە ٶتكەن قازاق كٷرەسٸنەن بٸرٸنشٸ ەۋروپا چەمپيوناتىندا ول 100 كەلٸدەن جوعارى سالماق دەرەجەسٸندە باس جٷلدە يەلەنگەن.
ال, بيىل اقتىق جەكپە-جەكە دەيٸن جەتٸپ وتىر. ەندٸ ول ەلەم بارىسى اتانۋ ٷشٸن ايبەك نۇعىماروۆپەن بەلدەسەدٸ.
وسى بەلدەسۋگە دەيٸن بارلىق قارسىلاسىن ۇتىپ كەلگەن ايبەك نۇعىماروۆتىڭ «قازاقستان بارىسى» (2013), «ەلەم بارىسى» (2017), قازاق كٷرەسٸنەن 4 دٷركٸن ەلەم چەمپيونى (2010, 2013, 2014, 2016), قازاق كٷرەسٸنەن 4 دٷركٸن ازييا چەمپيونى (2008, 2009, 2014, 2018) سىندى اتاقتارى بار. سونىمەن قاتار قر ەڭبەك سٸڭٸرگەن سپورت شەبەرٸ, قازاق كٷرەسٸنەن حالىقارالىق دەرەجەدەگٸ سپورت شەبەرٸ اتاعى بار سپورتشىمىز «قۇرمەت» وردەنٸنٸڭ دە يەگەرٸ.
