Densaýlyq saqtaý ministri Aleksei Tsoi 1 tamyzdan bastap júrgiziletin Qazaqstannyń COVID-19 boiynsha jańa statistikasynyń artyqshylyǵyn atady, dep habarlaidy QazAqparat.
«Jańa statistikany júrgizý úshin COVID-19 aýrýyn kodtaý turǵysynda meditsinalyq qyzmetkerlerdiń quzyretin arttyryp, aqparattyq júielerdi yńǵailap, basqa da tehnikalyq máselelerdi retteý kerek bolady. Sonymen qatar, Densaýlyq saqtaý ministrligi esep júrgizýdegi ózgeris Qazaqstannyń koronavirýs infektsiiasyn juqtyrý men ólim-jitim boiynsha halyqaralyq reitingtegi pozitsiiasyna jaman áser etetinin túsinip otyr. Alaida, bul ádis aýrý jaǵdaiyna durys boljam jasaýǵa, qoldaǵy resýrsty, onyń ishinde meditsinalyq kadrlardy, tósek-oryndy, qurylǵylardy, dári-dármekti oily josparlaýǵa, statistikany ashyq júrgizýge múmkindik beredi», - dedi Aleksei Tsoi OKQ-da ótken baspasóz máslihatynda.
Eske sala ketsek, Qazaqstanda pnevmoniiamen aýyrǵandar KVI juqtyrǵandardyń statistikasyna engiziletin boldy. Osylaisha COVID-19 boiynsha jańa statistika 1 tamyzdan bastap júrgiziledi.
