دەنساۋلىق ساقتاۋ مينيسترٸ الەكسەي تسوي 1 تامىزدان باستاپ جٷرگٸزٸلەتٸن قازاقستاننىڭ COVID-19 بويىنشا جاڭا ستاتيستيكاسىنىڭ ارتىقشىلىعىن اتادى, دەپ حابارلايدى قازاقپارات.
«جاڭا ستاتيستيكانى جٷرگٸزۋ ٷشٸن COVID-19 اۋرۋىن كودتاۋ تۇرعىسىندا مەديتسينالىق قىزمەتكەرلەردٸڭ قۇزىرەتٸن ارتتىرىپ, اقپاراتتىق جٷيەلەردٸ ىڭعايلاپ, باسقا دا تەحنيكالىق مەسەلەلەردٸ رەتتەۋ كەرەك بولادى. سونىمەن قاتار, دەنساۋلىق ساقتاۋ مينيسترلٸگٸ ەسەپ جٷرگٸزۋدەگٸ ٶزگەرٸس قازاقستاننىڭ كوروناۆيرۋس ينفەكتسيياسىن جۇقتىرۋ مەن ٶلٸم-جٸتٸم بويىنشا حالىقارالىق رەيتينگتەگٸ پوزيتسيياسىنا جامان ەسەر ەتەتٸنٸن تٷسٸنٸپ وتىر. الايدا, بۇل ەدٸس اۋرۋ جاعدايىنا دۇرىس بولجام جاساۋعا, قولداعى رەسۋرستى, ونىڭ ٸشٸندە مەديتسينالىق كادرلاردى, تٶسەك-ورىندى, قۇرىلعىلاردى, دەرٸ-دەرمەكتٸ ويلى جوسپارلاۋعا, ستاتيستيكانى اشىق جٷرگٸزۋگە مٷمكٸندٸك بەرەدٸ», - دەدٸ الەكسەي تسوي وكق-دا ٶتكەن باسپاسٶز مەسليحاتىندا.
ەسكە سالا كەتسەك, قازاقستاندا پنەۆمونييامەن اۋىرعاندار كۆي جۇقتىرعانداردىڭ ستاتيستيكاسىنا ەنگٸزٸلەتٸن بولدى. وسىلايشا COVID-19 بويىنشا جاڭا ستاتيستيكا 1 تامىزدان باستاپ جٷرگٸزٸلەدٸ.
