Densalýyq saqtaý ministri Aleksei Tsoi koronavirýs juqtyrý deńgeii qaita údegen álem elderin atady, dep habarlaidy "Ult aqparat".
«Biz álemdegi ahýalǵa árdaiym taldaý jasap otyrmyz. Taldaý barysynda Eýropa men jaqyn, alys shetelderde koronavirýstyń qaitadan údegenin atap ótemiz. Keiingi aptada juqtyrý ósimi Germaniiada 1, -1,5 paiyzǵa, Ýkrainada 1,9-2,4 paiyzǵa, Reseide 0,8-1,1 paiyzǵa, Ispaniiada 0,5-1 paiyzǵa, Frantsiiada 1,8-3 paiyzǵa, Chehiiada 1,8-3,7 paiyzǵa, Italiiada 0,8-1,3 paiyzǵa deiin artyp otyr. TMD elderinde aýrý ósimi Qazaqstanǵa qaraǵanda 11 ese joǵary ekenin atap ótý kerek», - dedi Aleksei Tsoi OKQ-da ótken baspasóz máslihatynda.
Onyń aitýynsha qazir ujymdyq immýnitet qalyptastyrýdyń mańyzy zor.
«Osyǵan bailanysty Dúniejúzilik densaýlyq saqtaý uiymynyń pozitsiiasyn atap ótkim keledi. Oǵan sáikes aýrý jappai vaktsinatsiialaýǵa negizdelgen halyqtyń kóbiniń immýnitetti bolǵan jaǵdaida toqtaidy. Osylaisha vaktsina basqaratyn immýnitet – infektsiianyń aldyn alýdyń negiz ibolyp qalady. Osyǵan orai vaktsina ázirlenbegen qazirgi ýaqytta karantindik sharalardy saqtap, qoldy óńdep, maska taǵyp, áleýmettik qashyqtyqty saqtaý kerek», - dedi ol.
