دەنسالۋىق ساقتاۋ مينيسترٸ الەكسەي تسوي كوروناۆيرۋس جۇقتىرۋ دەڭگەيٸ قايتا ٷدەگەن ەلەم ەلدەرٸن اتادى, دەپ حابارلايدى "ۇلت اقپارات".
«بٸز ەلەمدەگٸ احۋالعا ەردايىم تالداۋ جاساپ وتىرمىز. تالداۋ بارىسىندا ەۋروپا مەن جاقىن, الىس شەتەلدەردە كوروناۆيرۋستىڭ قايتادان ٷدەگەنٸن اتاپ ٶتەمٸز. كەيٸنگٸ اپتادا جۇقتىرۋ ٶسٸمٸ گەرمانييادا 1, -1,5 پايىزعا, ۋكراينادا 1,9-2,4 پايىزعا, رەسەيدە 0,8-1,1 پايىزعا, يسپانييادا 0,5-1 پايىزعا, فرانتسييادا 1,8-3 پايىزعا, چەحييادا 1,8-3,7 پايىزعا, يتالييادا 0,8-1,3 پايىزعا دەيٸن ارتىپ وتىر. تمد ەلدەرٸندە اۋرۋ ٶسٸمٸ قازاقستانعا قاراعاندا 11 ەسە جوعارى ەكەنٸن اتاپ ٶتۋ كەرەك», - دەدٸ الەكسەي تسوي وكق-دا ٶتكەن باسپاسٶز مەسليحاتىندا.
ونىڭ ايتۋىنشا قازٸر ۇجىمدىق يممۋنيتەت قالىپتاستىرۋدىڭ ماڭىزى زور.
«وسىعان بايلانىستى دٷنيەجٷزٸلٸك دەنساۋلىق ساقتاۋ ۇيىمىنىڭ پوزيتسيياسىن اتاپ ٶتكٸم كەلەدٸ. وعان سەيكەس اۋرۋ جاپپاي ۆاكتسيناتسييالاۋعا نەگٸزدەلگەن حالىقتىڭ كٶبٸنٸڭ يممۋنيتەتتٸ بولعان جاعدايدا توقتايدى. وسىلايشا ۆاكتسينا باسقاراتىن يممۋنيتەت – ينفەكتسييانىڭ الدىن الۋدىڭ نەگٸز ٸبولىپ قالادى. وسىعان وراي ۆاكتسينا ەزٸرلەنبەگەن قازٸرگٸ ۋاقىتتا كارانتيندٸك شارالاردى ساقتاپ, قولدى ٶڭدەپ, ماسكا تاعىپ, ەلەۋمەتتٸك قاشىقتىقتى ساقتاۋ كەرەك», - دەدٸ ول.
