Qazaqstandyq veloshabandoz, 2012 jylǵy Olimpiada chempiony Aleksandr Vinokýrov jáne 2008 jylǵy Olimpiada oiyndarynyń qola júldegeri reseilik veloshabandoz Aleksandr Kolobnev belgiialyq Lej qalasynyń qylmystyq sotynda jaýap beredi, - dep habarlaidy Sudinfo.be.
Sot otyrysy 13 naýryzda ótedi. Sportshylarǵa kelisip jarysqa tústi degen aiyp taǵyldy. Qylmystyq isti qozǵaýǵa basty sebep - Vinokýrov Kolobnevke 2010 jyly Lej - Baston - Lej jarysynda 150 myń eýro berip, ózinen qalýyn talap etken. Eki shabandoz da muny joqqa shyǵardy.
Eger sot Vinokýrov pen Kolobnevti kináli dep tapqan jaǵdaida, olar úsh jylǵa bas bostandyǵynan aiyrylyp, 350 myń eýro aiyppul tóleidi, - delingen maqalada.
Reseilik Aleksandr Kolobnev 2017 jyly qańtarda sporttyq mansabyn aiaqtaǵany týraly jariialady.
Aleksandr Vinokýrov 2012 jyly aiaqtady. Qazirgi ýaqytta ol "Astana" velokomandasynyń bas menedjeri.
