قازاقستاندىق ۆەلوشاباندوز, 2012 جىلعى وليمپيادا چەمپيونى الەكساندر ۆينوكۋروۆ جەنە 2008 جىلعى وليمپيادا ويىندارىنىڭ قولا جٷلدەگەرٸ رەسەيلٸك ۆەلوشاباندوز الەكساندر كولوبنەۆ بەلگييالىق لەج قالاسىنىڭ قىلمىستىق سوتىندا جاۋاپ بەرەدٸ, - دەپ حابارلايدى Sudinfo.be.
سوت وتىرىسى 13 ناۋرىزدا ٶتەدٸ. سپورتشىلارعا كەلٸسٸپ جارىسقا تٷستٸ دەگەن ايىپ تاعىلدى. قىلمىستىق ٸستٸ قوزعاۋعا باستى سەبەپ - ۆينوكۋروۆ كولوبنەۆكە 2010 جىلى لەج - باستون - لەج جارىسىندا 150 مىڭ ەۋرو بەرٸپ, ٶزٸنەن قالۋىن تالاپ ەتكەن. ەكٸ شاباندوز دا مۇنى جوققا شىعاردى.
ەگەر سوت ۆينوكۋروۆ پەن كولوبنەۆتٸ كٸنەلٸ دەپ تاپقان جاعدايدا, ولار ٷش جىلعا باس بوستاندىعىنان ايىرىلىپ, 350 مىڭ ەۋرو ايىپپۇل تٶلەيدٸ, - دەلٸنگەن ماقالادا.
رەسەيلٸك الەكساندر كولوبنەۆ 2017 جىلى قاڭتاردا سپورتتىق مانسابىن اياقتاعانى تۋرالى جارييالادى.
الەكساندر ۆينوكۋروۆ 2012 جىلى اياقتادى. قازٸرگٸ ۋاقىتتا ول "استانا" ۆەلوكومانداسىنىڭ باس مەنەدجەرٸ.
