Qazgidromet aldaǵy qys aiyndaǵy aýa raiyna boljam jariialady, dep habarlaidy "Ult aqparat".
2020-2021 jyldaǵy qys ótken jylǵy qystyń stsenariii boiynsha, iaǵni jyly jáne jaýyn-shashynǵa mol bolady dep kútilýde.
«Ótken jyldyń qysynda Qazaqstan aýmaǵyna Atlantika aýdandarynan jyly jáne ylǵaldy aýa massalaryn ákeletin batys tasymaly jii júzege asyryldy. Jer betindegi qabatta belsendi tsiklon men atmosferalyq fronttardyń jii ótýi baiqaldy, osyǵan bailanysty respýblikanyń basym bóliginde mol jaýyn-shashyn jaýdy. Bul protsesstiń eń úlken áseri eldiń soltústik-shyǵysynda jáne ortalyǵynda baiqaldy, birqatar tereń tsiklondar óte qolaisyz aýa-raiyn ákeldi: boranmen jii jáne qatty qar jaýdy, olardyń uzaqtyǵy 12-25 saǵat, kóriný qashyqtyǵynyń nasharlaýy 50 m deiin jetti, jel 30-35 m/s deiin kúsheidi.
Aldaǵy qysta Qazaqstan aýmaǵy boiynsha temperatýralyq fon klimattyq normadan 1-2°S joǵary, tek elimizdiń ońtústik, ońtústik-shyǵys, shyǵys aimaqtarynyń taýly jáne taý bókterli aýdandarynda – norma shamasynda kútilýde», - dedi Qazgidromet.
Sinoptikterdiń boljamynsha, jeltoqsan men qańtar ailarynda elimizdiń basym bóliginde aýa raiy jaýyn-shashyndy bolady, tek batys óńirlerinde – az kútiledi, aqpan aiynda jaýyn-shashyn mólsheri eldiń basym bóliginde normadan kóp, al ońtústik-batys jartysynda norma shamasynda bolady.
Kóktemniń basy, atap aitqanda naýryz jyly jáne jaýyn-shashynyń mólsheri az bolady dep kútiledi. Qazaqstan aýmaǵynyń basym bóliginde ortasha aýa temperatýrasy normadan 1-2°S joǵary, Almaty jáne Shyǵys Qazaqstan oblystarynyń taýly jáne taý bókterindegi aýdandarynda normaǵa jýyq boljanady. Jaýyn-shashyn mólsheri basym bóliginde normadan az, qiyr soltústikte jáne Shyǵys Qazaqstan men Almaty oblystarynyń ońtústik-shyǵys bóliginde norma shamasynda, Shyǵys Qazaqstan oblasynyń taýlarda normadan kóp boljanady.
