قازگيدرومەت الداعى قىس ايىنداعى اۋا رايىنا بولجام جارييالادى, دەپ حابارلايدى "ۇلت اقپارات".
2020-2021 جىلداعى قىس ٶتكەن جىلعى قىستىڭ ستسەنارييٸ بويىنشا, ياعني جىلى جەنە جاۋىن-شاشىنعا مول بولادى دەپ كٷتٸلۋدە.
«ٶتكەن جىلدىڭ قىسىندا قازاقستان اۋماعىنا اتلانتيكا اۋداندارىنان جىلى جەنە ىلعالدى اۋا ماسسالارىن ەكەلەتٸن باتىس تاسىمالى جيٸ جٷزەگە اسىرىلدى. جەر بەتٸندەگٸ قاباتتا بەلسەندٸ تسيكلون مەن اتموسفەرالىق فرونتتاردىڭ جيٸ ٶتۋٸ بايقالدى, وسىعان بايلانىستى رەسپۋبليكانىڭ باسىم بٶلٸگٸندە مول جاۋىن-شاشىن جاۋدى. بۇل پروتسەسستٸڭ ەڭ ٷلكەن ەسەرٸ ەلدٸڭ سولتٷستٸك-شىعىسىندا جەنە ورتالىعىندا بايقالدى, بٸرقاتار تەرەڭ تسيكلوندار ٶتە قولايسىز اۋا-رايىن ەكەلدٸ: بورانمەن جيٸ جەنە قاتتى قار جاۋدى, ولاردىڭ ۇزاقتىعى 12-25 ساعات, كٶرٸنۋ قاشىقتىعىنىڭ ناشارلاۋى 50 م دەيٸن جەتتٸ, جەل 30-35 م/س دەيٸن كٷشەيدٸ.
الداعى قىستا قازاقستان اۋماعى بويىنشا تەمپەراتۋرالىق فون كليماتتىق نورمادان 1-2°س جوعارى, تەك ەلٸمٸزدٸڭ وڭتٷستٸك, وڭتٷستٸك-شىعىس, شىعىس ايماقتارىنىڭ تاۋلى جەنە تاۋ بٶكتەرلٸ اۋداندارىندا – نورما شاماسىندا كٷتٸلۋدە», - دەدٸ قازگيدرومەت.
سينوپتيكتەردٸڭ بولجامىنشا, جەلتوقسان مەن قاڭتار ايلارىندا ەلٸمٸزدٸڭ باسىم بٶلٸگٸندە اۋا رايى جاۋىن-شاشىندى بولادى, تەك باتىس ٶڭٸرلەرٸندە – از كٷتٸلەدٸ, اقپان ايىندا جاۋىن-شاشىن مٶلشەرٸ ەلدٸڭ باسىم بٶلٸگٸندە نورمادان كٶپ, ال وڭتٷستٸك-باتىس جارتىسىندا نورما شاماسىندا بولادى.
كٶكتەمنٸڭ باسى, اتاپ ايتقاندا ناۋرىز جىلى جەنە جاۋىن-شاشىنىڭ مٶلشەرٸ از بولادى دەپ كٷتٸلەدٸ. قازاقستان اۋماعىنىڭ باسىم بٶلٸگٸندە ورتاشا اۋا تەمپەراتۋراسى نورمادان 1-2°س جوعارى, الماتى جەنە شىعىس قازاقستان وبلىستارىنىڭ تاۋلى جەنە تاۋ بٶكتەرٸندەگٸ اۋداندارىندا نورماعا جۋىق بولجانادى. جاۋىن-شاشىن مٶلشەرٸ باسىم بٶلٸگٸندە نورمادان از, قيىر سولتٷستٸكتە جەنە شىعىس قازاقستان مەن الماتى وبلىستارىنىڭ وڭتٷستٸك-شىعىس بٶلٸگٸندە نورما شاماسىندا, شىعىس قازاقستان وبلاسىنىڭ تاۋلاردا نورمادان كٶپ بولجانادى.
