Memleket basshysy Qasym-Jomart Toqaev alaiaqtarmen kúresý keregin aitty. Bul týraly ol qazaqstandyq biznes ókilderimen kezdesýde málimdedi, - dep habarlaidy Tengrinews.kz tilshisi.
"2019 jyly men óz Joldaýymda biznestiń jumysyna zańsyz kedergi keltirý memleket múddesine qarsy baǵyttalǵan qylmys retinde qaralýǵa tiis dep aitqan bolatynmyn. Bul Bas prokýratýranyń jumysy. Alaiaqtarmen kúresý kerek, taǵy aitaiyn, alaiaqtarmen, aferistermen. Biraq artyq qylamyz dep tyrtyq qylmaýymyz kerek", - dedi Toqaev.
Aita keteiik, Memleket basshysy otandyq biznes ókilderimen kezdesip jatyr. Kún tártibinde biznestiń quqyǵyn qorǵaý, kásipkerlerdiń jańa ekonomikalyq saiasatty iske asyrýǵa atsalysý, shaǵyn jáne orta bizneske júieli qoldaý kórsetý máseleleri qarastyrylatyny habarlanǵan.
