مەملەكەت باسشىسى قاسىم-جومارت توقاەۆ الاياقتارمەن كٷرەسۋ كەرەگٸن ايتتى. بۇل تۋرالى ول قازاقستاندىق بيزنەس ٶكٸلدەرٸمەن كەزدەسۋدە مەلٸمدەدٸ, - دەپ حابارلايدى Tengrinews.kz تٸلشٸسٸ.
"2019 جىلى مەن ٶز جولداۋىمدا بيزنەستٸڭ جۇمىسىنا زاڭسىز كەدەرگٸ كەلتٸرۋ مەملەكەت مٷددەسٸنە قارسى باعىتتالعان قىلمىس رەتٸندە قارالۋعا تيٸس دەپ ايتقان بولاتىنمىن. بۇل باس پروكۋراتۋرانىڭ جۇمىسى. الاياقتارمەن كٷرەسۋ كەرەك, تاعى ايتايىن, الاياقتارمەن, افەريستەرمەن. بٸراق ارتىق قىلامىز دەپ تىرتىق قىلماۋىمىز كەرەك", - دەدٸ توقاەۆ.
ايتا كەتەيٸك, مەملەكەت باسشىسى وتاندىق بيزنەس ٶكٸلدەرٸمەن كەزدەسٸپ جاتىر. كٷن تەرتٸبٸندە بيزنەستٸڭ قۇقىعىن قورعاۋ, كەسٸپكەرلەردٸڭ جاڭا ەكونوميكالىق ساياساتتى ٸسكە اسىرۋعا اتسالىسۋ, شاعىن جەنە ورتا بيزنەسكە جٷيەلٸ قولداۋ كٶرسەتۋ مەسەلەلەرٸ قاراستىرىلاتىنى حابارلانعان.
