«Aq jol» partiiasynyń uiymdastyrýymen Mirjaqyp Dýlatulynyń týǵanyna 135 jyl tolýyna orai «Oian, qazaq!» onlain konferentsiia ótip jatyr, dep habarlaidy QazAqparati.
«Búgin «Alash» qozǵalysynyń rýhani kósemderiniń biri Mirjaqyp Dýlatulynyń týǵanyna 135 jyl tolýyna bailanysty konferentsiia ótkizip otyrmyz. 2020 jyl eleýli ári mańyzdy sharalarǵa toly boldy, biyl Qazaq Respýblikasynyń qurylǵanyna 100 jyl toldy», - dep toqtaldy «Aq jol» partiiasynyń tóraǵasy Azat Perýashev.
Osy oraida ol Mirjaqyp Dýlatuly «Alash» qozǵalysynda erekshe ról oinaǵanyn eske salyp, onyń eńbekterine toqtaldy.
«1909 jyly jaryq kórgen «Oian, qazaq!» kitaby qazaqtyń ult-azattyq qozǵalysynyń manifesine ainalǵan qujat bolǵan. «Aq jol» partiiasy Alash ustanymdary men ulttyq ideiasyna erekshe nazar aýdaryp keledi. Jaqynda ǵana partiiamyzdyń quryltaiynda qabyldaǵan saiasi baǵdarlamasynda da biz Táýelsizdik pen «Alash» ulttyq ideiasyna, iaǵni osy eki uǵymǵa erekshe bap arnadyq. Bizdiń oiymyzsha, Qazaq eli úshin Alash ideiasynan artyq ideia men ustanym joq. Alash kósemderi, onyń ishinde Mirjaqyp Dýlatuly siiaqty azamattardyń tarihi róline, olardyń eńbekterine arnalǵan zertteýler, ǵylymi-tájiribelik konferentsiialardy ótkizip jatyrmyz. Búgingi konferentsiiada belgili alashtanýshylar, ǵalymdar men tarihshylar bas qosyp otyr» , - dedi A. Perýashev.
