«اق جول» پارتيياسىنىڭ ۇيىمداستىرۋىمەن مٸرجاقىپ دۋلاتۇلىنىڭ تۋعانىنا 135 جىل تولۋىنا وراي «ويان, قازاق!» ونلاين كونفەرەنتسييا ٶتٸپ جاتىر, دەپ حابارلايدى قازاقپاراتٸ.
«بٷگٸن «الاش» قوزعالىسىنىڭ رۋحاني كٶسەمدەرٸنٸڭ بٸرٸ مٸرجاقىپ دۋلاتۇلىنىڭ تۋعانىنا 135 جىل تولۋىنا بايلانىستى كونفەرەنتسييا ٶتكٸزٸپ وتىرمىز. 2020 جىل ەلەۋلٸ ەرٸ ماڭىزدى شارالارعا تولى بولدى, بيىل قازاق رەسپۋبليكاسىنىڭ قۇرىلعانىنا 100 جىل تولدى», - دەپ توقتالدى «اق جول» پارتيياسىنىڭ تٶراعاسى ازات پەرۋاشەۆ.
وسى ورايدا ول مٸرجاقىپ دۋلاتۇلى «الاش» قوزعالىسىندا ەرەكشە رٶل ويناعانىن ەسكە سالىپ, ونىڭ ەڭبەكتەرٸنە توقتالدى.
«1909 جىلى جارىق كٶرگەن «ويان, قازاق!» كٸتابى قازاقتىڭ ۇلت-ازاتتىق قوزعالىسىنىڭ مانيفەسٸنە اينالعان قۇجات بولعان. «اق جول» پارتيياسى الاش ۇستانىمدارى مەن ۇلتتىق يدەياسىنا ەرەكشە نازار اۋدارىپ كەلەدٸ. جاقىندا عانا پارتييامىزدىڭ قۇرىلتايىندا قابىلداعان ساياسي باعدارلاماسىندا دا بٸز تەۋەلسٸزدٸك پەن «الاش» ۇلتتىق يدەياسىنا, ياعني وسى ەكٸ ۇعىمعا ەرەكشە باپ ارنادىق. بٸزدٸڭ ويىمىزشا, قازاق ەلٸ ٷشٸن الاش يدەياسىنان ارتىق يدەيا مەن ۇستانىم جوق. الاش كٶسەمدەرٸ, ونىڭ ٸشٸندە مٸرجاقىپ دۋلاتۇلى سيياقتى ازاماتتاردىڭ تاريحي رٶلٸنە, ولاردىڭ ەڭبەكتەرٸنە ارنالعان زەرتتەۋلەر, عىلىمي-تەجٸريبەلٸك كونفەرەنتسييالاردى ٶتكٸزٸپ جاتىرمىز. بٷگٸنگٸ كونفەرەنتسييادا بەلگٸلٸ الاشتانۋشىلار, عالىمدار مەن تاريحشىلار باس قوسىپ وتىر» , - دەدٸ ا. پەرۋاشەۆ.
