Qazaqstan Ulttyq bankiniń tóraǵasy Daniiar Aqyshev Astanashda úkimet otyrysynda ishki valiýta naryǵyndaǵy sońǵy aida "tym qubylmaly bolǵan" jaǵdai birtindep "turaqtalyp kele jatqanyn" aitty, dep habarlaidy "Ult aqparat" Azattyqqa silteme jasap.
"Ulttyq valiýtanyń jaqyn keleshektegi baǵamyn anyqtaityn negizgi faktorlar teńgeniń nyǵaiýyna jaǵdai jasap tur", - dedi Aqyshev.
Ol Ulttyq banktiń altyn jáne valiýta qory 2017 jylǵy qyrkúiektiń sońynda 10,2 paiyz ulǵaiyp, 33 milliard dollarǵa deiin jetkenin, al jalpy halyqaralyq rezervteri 89 milliard dollardy quraǵanyn aitty. Aqyshevtiń sózinshe, kommertsiialyq bankterdegi teńgede ashylǵan depozitter jyl basynan beri 6 paiyzǵa artyp, shetel valiýtasymen salynǵan depozit 10 paiyzǵa azaiǵan.
Qazaqstan qor birjasynda búgin tańerteńgilik saýdada dollardyń ortasha baǵamy 333 teńge 36 tiyn boldy. Qazannyń basynda dollar baǵamy 345 teńgege deiin jetken.
