قازاقستان ۇلتتىق بانكٸنٸڭ تٶراعاسى دانييار اقىشەۆ استاناششدا ٷكٸمەت وتىرىسىندا ٸشكٸ ۆاليۋتا نارىعىنداعى سوڭعى ايدا "تىم قۇبىلمالى بولعان" جاعداي بٸرتٸندەپ "تۇراقتالىپ كەلە جاتقانىن" ايتتى, دەپ حابارلايدى "ۇلت اقپارات" ازاتتىققا سٸلتەمە جاساپ.
"ۇلتتىق ۆاليۋتانىڭ جاقىن كەلەشەكتەگٸ باعامىن انىقتايتىن نەگٸزگٸ فاكتورلار تەڭگەنٸڭ نىعايۋىنا جاعداي جاساپ تۇر", - دەدٸ اقىشەۆ.
ول ۇلتتىق بانكتٸڭ التىن جەنە ۆاليۋتا قورى 2017 جىلعى قىركٷيەكتٸڭ سوڭىندا 10,2 پايىز ۇلعايىپ, 33 ميلليارد دوللارعا دەيٸن جەتكەنٸن, ال جالپى حالىقارالىق رەزەرۆتەرٸ 89 ميلليارد دوللاردى قۇراعانىن ايتتى. اقىشەۆتٸڭ سٶزٸنشە, كوممەرتسييالىق بانكتەردەگٸ تەڭگەدە اشىلعان دەپوزيتتەر جىل باسىنان بەرٸ 6 پايىزعا ارتىپ, شەتەل ۆاليۋتاسىمەن سالىنعان دەپوزيت 10 پايىزعا ازايعان.
قازاقستان قور بيرجاسىندا بٷگٸن تاڭەرتەڭگٸلٸك ساۋدادا دوللاردىڭ ورتاشا باعامى 333 تەڭگە 36 تيىن بولدى. قازاننىڭ باسىندا دوللار باعامى 345 تەڭگەگە دەيٸن جەتكەن.
