Aqtóbe oblystyq sanitariialyq-epidemiologiialyq baqylaý departamentiniń basshysy Nursulý Berkimbaeva vaktsina qabyldady, dep habarlaidy "Ult aqparat".
Departament basshysy Nursulý Berkimbaeva №6 Aqtóbe qalalyq emhanaǵa baryp, aldymen óz densaýlyǵyn teksertti. Qan qysymy men dene qyzýy ólshendi.
«Men ekpe qabyldadym. Jaǵdaiym jaqsy. Shaǵymym joq. Týra 21 kúnnen keiin, iaǵni, 23 aqpanda ekpeniń ekinshi komponentin qabyldaimyn. Óńirde immýndaý keshe bastaldy. Birinshi kezeń boiynsha dárigerlermen qatar ózim sekildi epidemiologtar vaktsina qabyldap jatyr. Aqtóbe oblysyna barlyǵy 1 myń doza jetkizildi», - dedi Aqtóbe oblystyq sanitariialyq-epidemiologiialyq baqylaý departamentiniń basshysy Nursulý Berkimbaeva.
Aqtóbeniń bas memlekettik sanitariialyq dárigeri «jasyl» aimaqtaǵy Aqtóbe jurtyna áli de betperde taǵyp, antisektik qoldanýdy, araqashyqtyqty saqtaýdy eskertti.
