اقتٶبە وبلىستىق سانيتارييالىق-ەپيدەميولوگييالىق باقىلاۋ دەپارتامەنتٸنٸڭ باسشىسى نۇرسۇلۋ بەركٸمباەۆا ۆاكتسينا قابىلدادى, دەپ حابارلايدى "ۇلت اقپارات".
دەپارتامەنت باسشىسى نۇرسۇلۋ بەركٸمباەۆا №6 اقتٶبە قالالىق ەمحاناعا بارىپ, الدىمەن ٶز دەنساۋلىعىن تەكسەرتتٸ. قان قىسىمى مەن دەنە قىزۋى ٶلشەندٸ.
«مەن ەكپە قابىلدادىم. جاعدايىم جاقسى. شاعىمىم جوق. تۋرا 21 كٷننەن كەيٸن, ياعني, 23 اقپاندا ەكپەنٸڭ ەكٸنشٸ كومپونەنتٸن قابىلدايمىن. ٶڭٸردە يممۋنداۋ كەشە باستالدى. بٸرٸنشٸ كەزەڭ بويىنشا دەرٸگەرلەرمەن قاتار ٶزٸم سەكٸلدٸ ەپيدەميولوگتار ۆاكتسينا قابىلداپ جاتىر. اقتٶبە وبلىسىنا بارلىعى 1 مىڭ دوزا جەتكٸزٸلدٸ», - دەدٸ اقتٶبە وبلىستىق سانيتارييالىق-ەپيدەميولوگييالىق باقىلاۋ دەپارتامەنتٸنٸڭ باسشىسى نۇرسۇلۋ بەركٸمباەۆا.
اقتٶبەنٸڭ باس مەملەكەتتٸك سانيتارييالىق دەرٸگەرٸ «جاسىل» ايماقتاعى اقتٶبە جۇرتىنا ەلٸ دە بەتپەردە تاعىپ, انتيسەكتيك قولدانۋدى, اراقاشىقتىقتى ساقتاۋدى ەسكەرتتٸ.
