Foto: «Diapazon» basylymy jasandy intellekt kómegimen daiyndady
Aqtóbelik áiel kazak qylyshymen er adamdy abaisyzda óltirip aldy, dep habarlaidy Ult.kz jergilikti «Diapazon» gazetine silteme jasap.
Quraily kentinde eki áiel men bir er adam spirttik ishimdik iship otyrǵan. Úi iesi áiel jatyn bólmege kirip, demalý úshin tósekke jatqan kezde, qasynda ishimdik iship otyrǵan er adam oǵan jaqyndap, uryp jiberip, keiin kazak qylyshyn (shanshyp-kesetin, iilgen pishindegi sýyq qarý) sermei bastaǵan. Alǵashynda áiel er adamdy sabyrǵa shaqyrmaq bolǵanymen, odan nátije shyqpaǵan. Sol kezde ol qylyshty tartyp alý úshin onyń júzinen de, sabynan da eki qolymen ustap alǵan.
Janjal kezinde qylyshtyń ushy er adamnyń bel tusyna tiip, ol kóp qan joǵaltyp, kóz jumdy.
Nátijesinde 60 jastaǵy áiel sot aldynda jaýap berdi, isti alqabiler soty qarady.
Alǵashynda oǵan kisi óltirý aiyby taǵylǵanymen, sot protsesi barysynda is «abaisyzda bolǵan adam ólimi» baby boiynsha qaita qarastyryldy.
Úkim shyǵarý kezinde aiyptalýshynyń jasy, jaralanǵan adamǵa ózi kómek kórsetýge tyrysqany, sondai-aq jábirlenýshiniń zańǵa qaishy ári adamgershilikke jat áreketteri eskerildi.
Alqabiler soty áieldi 2 jylǵa bas bostandyǵyn shekteý jazasyna kesti. Osy merzim ishinde ol oiyn-saýyq oryndaryna barýǵa tyiym salynyp, jumystan keiin úiinde bolýy tiis. Belgilengen talaptardy buzǵan jaǵdaida, jaza naqty merzimge bas bostandyǵynan aiyrýmen almastyrylýy múmkin.
