فوتو: «دياپازون» باسىلىمى جاساندى ينتەللەكت كٶمەگٸمەن دايىندادى
اقتٶبەلٸك ەيەل كازاك قىلىشىمەن ەر ادامدى ابايسىزدا ٶلتٸرٸپ الدى, دەپ حابارلايدى Ult.kz جەرگٸلٸكتٸ «دياپازون» گازەتٸنە سٸلتەمە جاساپ.
قۇرايلى كەنتٸندە ەكٸ ەيەل مەن بٸر ەر ادام سپيرتتٸك ٸشٸمدٸك ٸشٸپ وتىرعان. ٷي يەسٸ ەيەل جاتىن بٶلمەگە كٸرٸپ, دەمالۋ ٷشٸن تٶسەككە جاتقان كەزدە, قاسىندا ٸشٸمدٸك ٸشٸپ وتىرعان ەر ادام وعان جاقىنداپ, ۇرىپ جٸبەرٸپ, كەيٸن كازاك قىلىشىن (شانشىپ-كەسەتٸن, يٸلگەن پٸشٸندەگٸ سۋىق قارۋ) سەرمەي باستاعان. العاشىندا ەيەل ەر ادامدى سابىرعا شاقىرماق بولعانىمەن, ودان نەتيجە شىقپاعان. سول كەزدە ول قىلىشتى تارتىپ الۋ ٷشٸن ونىڭ جٷزٸنەن دە, سابىنان دا ەكٸ قولىمەن ۇستاپ العان.
جانجال كەزٸندە قىلىشتىڭ ۇشى ەر ادامنىڭ بەل تۇسىنا تيٸپ, ول كٶپ قان جوعالتىپ, كٶز جۇمدى.
نەتيجەسٸندە 60 جاستاعى ەيەل سوت الدىندا جاۋاپ بەردٸ, ٸستٸ القابيلەر سوتى قارادى.
العاشىندا وعان كٸسٸ ٶلتٸرۋ ايىبى تاعىلعانىمەن, سوت پروتسەسٸ بارىسىندا ٸس «ابايسىزدا بولعان ادام ٶلٸمٸ» بابى بويىنشا قايتا قاراستىرىلدى.
ٷكٸم شىعارۋ كەزٸندە ايىپتالۋشىنىڭ جاسى, جارالانعان ادامعا ٶزٸ كٶمەك كٶرسەتۋگە تىرىسقانى, سونداي-اق جەبٸرلەنۋشٸنٸڭ زاڭعا قايشى ەرٸ ادامگەرشٸلٸككە جات ەرەكەتتەرٸ ەسكەرٸلدٸ.
القابيلەر سوتى ەيەلدٸ 2 جىلعا باس بوستاندىعىن شەكتەۋ جازاسىنا كەستٸ. وسى مەرزٸم ٸشٸندە ول ويىن-ساۋىق ورىندارىنا بارۋعا تىيىم سالىنىپ, جۇمىستان كەيٸن ٷيٸندە بولۋى تيٸس. بەلگٸلەنگەن تالاپتاردى بۇزعان جاعدايدا, جازا ناقتى مەرزٸمگە باس بوستاندىعىنان ايىرۋمەن الماستىرىلۋى مٷمكٸن.
