Aqtóbede júktiliktiń jetinshi aiyndaǵy áiel avtobýstan túsip úlgere almai, kólik qozǵalǵanda qolyndaǵy paketterimen jerge qulap tústi. 29 jastaǵy kelinshektiń arqasy jaralanǵan, - dep habarlaidy Tengrinews.kz tilshisi "Diapazon" basylymyna silteme jasap.
Oqiǵa 1 sáýirde keshke "Makarenko" aialdamasynda boldy. Júkti áiel № 24 avtobýstan túskeli jatqanda, avtobýs qozǵalyp, áiel sómkelerimen birge balshyqqa qulap, arqasyn jaralaǵan. Kelinshektiń sózinshe, júrgizýshi men kondýktor oǵan kómektespei ketip qalǵan.
"№24 avtobýstyń júrgizýshisi jol boiy jyldam júrdi, – deidi Aidana. - Aqyry meniń aialdamadan túskenimdi kútpesten, ornynan qozǵalyp ketti, al men jerge, balshyqqa qulap tústim. Kondýktor da, júrgizýshi de meniń júkti ekenimdi jáne qolymda sómke baryn kóre turyp kómektespedi. Men buǵan deiin kúieýime qońyraý shalyp, bazardan shyqqanymdy jáne meni qarsy alý keregin eskertken edim. Ornymnan ózim turdym, al kúieýim birneshe minýttan soń júgirip keldi. Arqam áli kúnge deiin aýyrady. Sol kúni kóp adam oqiǵaǵa kýá boldy. Men júrgizýshi jumystan shyǵyp qalǵanyn qalamaimyn, ony nanynan aiyrǵym kelmeidi. Biraq ony jazasyz qaldyrsa, oqiǵa qaitalanýy múmkin".
