اقتٶبەدە جٷكتٸلٸكتٸڭ جەتٸنشٸ ايىنداعى ەيەل اۆتوبۋستان تٷسٸپ ٷلگەرە الماي, كٶلٸك قوزعالعاندا قولىنداعى پاكەتتەرٸمەن جەرگە قۇلاپ تٷستٸ. 29 جاستاعى كەلٸنشەكتٸڭ ارقاسى جارالانعان, - دەپ حابارلايدى Tengrinews.kz تٸلشٸسٸ "دياپازون" باسىلىمىنا سٸلتەمە جاساپ.
وقيعا 1 سەۋٸردە كەشكە "ماكارەنكو" ايالداماسىندا بولدى. جٷكتٸ ەيەل № 24 اۆتوبۋستان تٷسكەلٸ جاتقاندا, اۆتوبۋس قوزعالىپ, ەيەل سٶمكەلەرٸمەن بٸرگە بالشىققا قۇلاپ, ارقاسىن جارالاعان. كەلٸنشەكتٸڭ سٶزٸنشە, جٷرگٸزۋشٸ مەن كوندۋكتور وعان كٶمەكتەسپەي كەتٸپ قالعان.
"№24 اۆتوبۋستىڭ جٷرگٸزۋشٸسٸ جول بويى جىلدام جٷردٸ, – دەيدٸ ايدانا. - اقىرى مەنٸڭ ايالدامادان تٷسكەنٸمدٸ كٷتپەستەن, ورنىنان قوزعالىپ كەتتٸ, ال مەن جەرگە, بالشىققا قۇلاپ تٷستٸم. كوندۋكتور دا, جٷرگٸزۋشٸ دە مەنٸڭ جٷكتٸ ەكەنٸمدٸ جەنە قولىمدا سٶمكە بارىن كٶرە تۇرىپ كٶمەكتەسپەدٸ. مەن بۇعان دەيٸن كٷيەۋٸمە قوڭىراۋ شالىپ, بازاردان شىققانىمدى جەنە مەنٸ قارسى الۋ كەرەگٸن ەسكەرتكەن ەدٸم. ورنىمنان ٶزٸم تۇردىم, ال كٷيەۋٸم بٸرنەشە مينۋتتان سوڭ جٷگٸرٸپ كەلدٸ. ارقام ەلٸ كٷنگە دەيٸن اۋىرادى. سول كٷنٸ كٶپ ادام وقيعاعا كۋە بولدى. مەن جٷرگٸزۋشٸ جۇمىستان شىعىپ قالعانىن قالامايمىن, ونى نانىنان ايىرعىم كەلمەيدٸ. بٸراق ونى جازاسىز قالدىرسا, وقيعا قايتالانۋى مٷمكٸن".
