Foto: Pixabay
Aqtóbede memlekettik turǵyn úidi zańsyz bólýge qatysty sybailas jemqorlyq shemasy áshkerelendi. Prokýratýra málimetinshe, kezekte turmaǵan azamattarǵa páter berý derekteri anyqtalyp, kináli tulǵa 7 jylǵa bas bostandyǵynan aiyryldy, dep habarlaidy Ult.kz.
Tergeý barysynda «Aqtóbe qalasynyń turǵyn úi qatynastary bólimi» MM-niń burynǵy basshysy qyzmettik ókilettigin teris paidalanyp, turǵyn úidi zańsyz úlestirýdi uiymdastyrǵany belgili boldy.
Shema boiynsha 15 adam turǵyn úi kezegine negizsiz engizilgen. Aldymen olarǵa turýǵa jaramsyz baspanalar berilip, keiin bul úiler jaily páterlerge aýystyrylǵan. Barlyq sheshimder turǵyn úi komissiiasy arqyly zańsyz rásimdelgen.
Keiin páterler jekeshelendirilip, satylǵan. Bul áreketterdiń paida tabý maqsatynda jasalǵany anyqtaldy.
2026 jylǵy 29 sáýirde Aqtóbe qalasynyń №2 soty aiyptalýshyny 7 jylǵa bas bostandyǵynan aiyrý týraly úkim shyǵardy.
Aita keteiik, buǵan deiin Oralda «páter alyp beremin» dep turǵyndardy 7,5 mln teńgege aldaǵan alaiaq ta sottalǵan edi.
