فوتو: Pixabay
اقتٶبەدە مەملەكەتتٸك تۇرعىن ٷيدٸ زاڭسىز بٶلۋگە قاتىستى سىبايلاس جەمقورلىق سحەماسى ەشكەرەلەندٸ. پروكۋراتۋرا مەلٸمەتٸنشە, كەزەكتە تۇرماعان ازاماتتارعا پەتەر بەرۋ دەرەكتەرٸ انىقتالىپ, كٸنەلٸ تۇلعا 7 جىلعا باس بوستاندىعىنان ايىرىلدى, دەپ حابارلايدى Ult.kz.
تەرگەۋ بارىسىندا «اقتٶبە قالاسىنىڭ تۇرعىن ٷي قاتىناستارى بٶلٸمٸ» مم-نٸڭ بۇرىنعى باسشىسى قىزمەتتٸك ٶكٸلەتتٸگٸن تەرٸس پايدالانىپ, تۇرعىن ٷيدٸ زاڭسىز ٷلەستٸرۋدٸ ۇيىمداستىرعانى بەلگٸلٸ بولدى.
سحەما بويىنشا 15 ادام تۇرعىن ٷي كەزەگٸنە نەگٸزسٸز ەنگٸزٸلگەن. الدىمەن ولارعا تۇرۋعا جارامسىز باسپانالار بەرٸلٸپ, كەيٸن بۇل ٷيلەر جايلى پەتەرلەرگە اۋىستىرىلعان. بارلىق شەشٸمدەر تۇرعىن ٷي كوميسسيياسى ارقىلى زاڭسىز رەسٸمدەلگەن.
كەيٸن پەتەرلەر جەكەشەلەندٸرٸلٸپ, ساتىلعان. بۇل ەرەكەتتەردٸڭ پايدا تابۋ ماقساتىندا جاسالعانى انىقتالدى.
2026 جىلعى 29 سەۋٸردە اقتٶبە قالاسىنىڭ №2 سوتى ايىپتالۋشىنى 7 جىلعا باس بوستاندىعىنان ايىرۋ تۋرالى ٷكٸم شىعاردى.
ايتا كەتەيٸك, بۇعان دەيٸن ورالدا «پەتەر الىپ بەرەمٸن» دەپ تۇرعىنداردى 7,5 ملن تەڭگەگە الداعان الاياق تا سوتتالعان ەدٸ.
