Politsiia qarýly kúdikti mingen kólikti toqtatyp, qarý qoldandy delingen Aqtóbe-Bogoslovka joly. 13 qańtar 2017 jyl.
Aqtóbede "politsiiaǵa qarýly qarsylyq kórsetpek bolyp, oqqa ushty" delingen turǵynnyń aty-jóni belgili boldy, - dep habarlaidy Azattyq tilshisi.
Aqtóbeden 18 kilometr qashyqtyqtaǵy Sazdy selolyq okrýginiń ákimi Asylan Muhanbetovtiń Azattyqqa aitýynsha, kózi joiylǵan kúdiktiniń aty-jóni - Erlan Esqojin. Marqum otbasymen birge Sazdy selolyq okrýgine qarasty Baýyrlastar dep aatalatyn turǵyn úiler massivinde turǵan.
Ákim Erlan Esqojinniń keshe, 15 qańtarda jerlengenin aityp, tergeý qupiialyǵyna bailanysty basqa aqparat berýden bas tartty.
Aqtóbe oblystyq ishki ister basqarmasy 12 qańtarda politsiia Aqtóbe-Bogoslovka jolynyń boiynda 1983 jyly týǵan, buryn "qaraqshylyq shabýyl jasaǵany jáne kúshpen bótenniń kóligin tartyp alǵany" úshin sottalǵan E. esimdi azamattyń 12 qańtar kúni keshke politsiia óz kóligin toqtatqan kezde qarý qoldanbaq bolǵanyn habarlaǵan. Resmi aqpar boiynsha, kúdikti politsiianyń qarýyn tastaý týraly buiryǵyna baǵynbaǵan soń politsiia oǵan qarý qoldanyp, mert etken.
Oblystyq IID-degi derekkózi Azattyqqa kúdiktiniń "radikaldy islamdy ustanady" degen kúdikke ilingenin aitqan. Biraq politsiia ony ia joqqa shyǵaryp, ia rastamaǵan.
