پوليتسييا قارۋلى كٷدٸكتٸ مٸنگەن كٶلٸكتٸ توقتاتىپ, قارۋ قولداندى دەلٸنگەن اقتٶبە-بوگوسلوۆكا جولى. 13 قاڭتار 2017 جىل.
اقتٶبەدە "پوليتسيياعا قارۋلى قارسىلىق كٶرسەتپەك بولىپ, وققا ۇشتى" دەلٸنگەن تۇرعىننىڭ اتى-جٶنٸ بەلگٸلٸ بولدى, - دەپ حابارلايدى ازاتتىق تٸلشٸسٸ.
اقتٶبەدەن 18 كيلومەتر قاشىقتىقتاعى سازدى سەلولىق وكرۋگٸنٸڭ ەكٸمٸ اسىلان مۇحانبەتوۆتٸڭ ازاتتىققا ايتۋىنشا, كٶزٸ جويىلعان كٷدٸكتٸنٸڭ اتى-جٶنٸ - ەرلان ەسقوجين. مارقۇم وتباسىمەن بٸرگە سازدى سەلولىق وكرۋگٸنە قاراستى باۋىرلاستار دەپ ااتالاتىن تۇرعىن ٷيلەر ماسسيۆٸندە تۇرعان.
ەكٸم ەرلان ەسقوجيننٸڭ كەشە, 15 قاڭتاردا جەرلەنگەنٸن ايتىپ, تەرگەۋ قۇپييالىعىنا بايلانىستى باسقا اقپارات بەرۋدەن باس تارتتى.
اقتٶبە وبلىستىق ٸشكٸ ٸستەر باسقارماسى 12 قاڭتاردا پوليتسييا اقتٶبە-بوگوسلوۆكا جولىنىڭ بويىندا 1983 جىلى تۋعان, بۇرىن "قاراقشىلىق شابۋىل جاساعانى جەنە كٷشپەن بٶتەننٸڭ كٶلٸگٸن تارتىپ العانى" ٷشٸن سوتتالعان ە. ەسٸمدٸ ازاماتتىڭ 12 قاڭتار كٷنٸ كەشكە پوليتسييا ٶز كٶلٸگٸن توقتاتقان كەزدە قارۋ قولدانباق بولعانىن حابارلاعان. رەسمي اقپار بويىنشا, كٷدٸكتٸ پوليتسييانىڭ قارۋىن تاستاۋ تۋرالى بۇيرىعىنا باعىنباعان سوڭ پوليتسييا وعان قارۋ قولدانىپ, مەرت ەتكەن.
وبلىستىق ٸٸد-دەگٸ دەرەككٶزٸ ازاتتىققا كٷدٸكتٸنٸڭ "راديكالدى يسلامدى ۇستانادى" دەگەن كٷدٸككە ٸلٸنگەنٸن ايتقان. بٸراق پوليتسييا ونى يا جوققا شىعارىپ, يا راستاماعان.
