Ózbekstan azamattary mingen jolaýshylar avtobýsy Aqtóbeden Hromtaýǵa bara jatqan jolda apatqa ushyrady, dep habarlaidy Aqtóbe oblysy ishki ister departamenti baspasóz qyzmeti.
Politsiia málimetinshe, jol apaty 25 aqpanda saǵat 20.40 kezinde Samara-Shymkent tas jolynda Jazyq aýylyna jaqyn jerde bolǵan.
"Mercedes avtobýsynyń 35 jastaǵy júrgizýshisi, Ońtústik Qazaqstan oblysy turǵyny Aqtóbeden Hromtaýǵa bara jatyp, rólge ie bola almai, jyraǵa túsip ketip, artynsha avtobýs aýdarylyp qalǵan", — dep habarlaidy politsiia.
Jol apaty saldarynan avtobýstyń 7 jolaýshysy – Ózbekstan azamattary Hromtaý qalasyna aýrýhanaǵa jatqyzyldy. Avtobýsta barlyǵy 25 jolaýshy bolǵan.
