ٶزبەكستان ازاماتتارى مٸنگەن جولاۋشىلار اۆتوبۋسى اقتٶبەدەن حرومتاۋعا بارا جاتقان جولدا اپاتقا ۇشىرادى, دەپ حابارلايدى اقتٶبە وبلىسى ٸشكٸ ٸستەر دەپارتامەنتٸ باسپاسٶز قىزمەتٸ.
پوليتسييا مەلٸمەتٸنشە, جول اپاتى 25 اقپاندا ساعات 20.40 كەزٸندە سامارا-شىمكەنت تاس جولىندا جازىق اۋىلىنا جاقىن جەردە بولعان.
"Mercedes اۆتوبۋسىنىڭ 35 جاستاعى جٷرگٸزۋشٸسٸ, وڭتٷستٸك قازاقستان وبلىسى تۇرعىنى اقتٶبەدەن حرومتاۋعا بارا جاتىپ, رٶلگە يە بولا الماي, جىراعا تٷسٸپ كەتٸپ, ارتىنشا اۆتوبۋس اۋدارىلىپ قالعان", — دەپ حابارلايدى پوليتسييا.
جول اپاتى سالدارىنان اۆتوبۋستىڭ 7 جولاۋشىسى – ٶزبەكستان ازاماتتارى حرومتاۋ قالاسىنا اۋرۋحاناعا جاتقىزىلدى. اۆتوبۋستا بارلىعى 25 جولاۋشى بولعان.
