Aqtóbede 65 jastaǵy er adam koronavirýs infektsiiasynan kóz jumdy. Dárigerler jaǵdaiy nashar bolǵanda kómekke júgingenin aitty, dep habarlaidy "Ult aqparat".
«Sońǵy kezderi koronavirýs infektsiiasyn juqtyrǵandardyń kóbi jaǵdaiy nasharlaǵanda ǵana dáriger kómegine júginip, em alyp jatyr. Qazir oblysta 16 adam jansaqtaý bóliminde jatyr, onyń altaýy jasandy tynys alý apparatynda qosylǵan. Bir naýqas kóz jumdy. 65 jastaǵy er adam maýsym aiynyń alǵashqy kúnderi aýyryp, tórt kún boiy úiinde em aldy. Dene qyzýy kóterilip, tynys alýy qiyndaǵan kezde ǵana jedel járdem shaqyrdy. Birden jansaqtaý bólimine jatty. Jaǵdaiy kúrt nasharlap, kóz jumdy», - dedi oblystyq densaýlyq saqtaý basqarmasynyń basshysy Áset Qaliev.
Aqtóbe oblysynda epidemiologiialyq jaǵdai turaqty. Oblysta 685 naýqasta virýs anyqtalsa, onyń 147-i simptomsyz. Naýqastardyń 392-i emdelgen. Aýyrǵan adamdardyń 54-i bala. Balalardyń 50-i em qabyldap, úiine shyqty.
