اقتٶبەدە 65 جاستاعى ەر ادام كوروناۆيرۋس ينفەكتسيياسىنان كٶز جۇمدى. دەرٸگەرلەر جاعدايى ناشار بولعاندا كٶمەككە جٷگٸنگەنٸن ايتتى, دەپ حابارلايدى "ۇلت اقپارات".
«سوڭعى كەزدەرٸ كوروناۆيرۋس ينفەكتسيياسىن جۇقتىرعانداردىڭ كٶبٸ جاعدايى ناشارلاعاندا عانا دەرٸگەر كٶمەگٸنە جٷگٸنٸپ, ەم الىپ جاتىر. قازٸر وبلىستا 16 ادام جانساقتاۋ بٶلٸمٸندە جاتىر, ونىڭ التاۋى جاساندى تىنىس الۋ اپپاراتىندا قوسىلعان. بٸر ناۋقاس كٶز جۇمدى. 65 جاستاعى ەر ادام ماۋسىم ايىنىڭ العاشقى كٷندەرٸ اۋىرىپ, تٶرت كٷن بويى ٷيٸندە ەم الدى. دەنە قىزۋى كٶتەرٸلٸپ, تىنىس الۋى قيىنداعان كەزدە عانا جەدەل جەردەم شاقىردى. بٸردەن جانساقتاۋ بٶلٸمٸنە جاتتى. جاعدايى كٷرت ناشارلاپ, كٶز جۇمدى», - دەدٸ وبلىستىق دەنساۋلىق ساقتاۋ باسقارماسىنىڭ باسشىسى ەسەت قاليەۆ.
اقتٶبە وبلىسىندا ەپيدەميولوگييالىق جاعداي تۇراقتى. وبلىستا 685 ناۋقاستا ۆيرۋس انىقتالسا, ونىڭ 147-ٸ سيمپتومسىز. ناۋقاستاردىڭ 392-ٸ ەمدەلگەن. اۋىرعان ادامداردىڭ 54-ٸ بالا. بالالاردىڭ 50-ٸ ەم قابىلداپ, ٷيٸنە شىقتى.
