Aqtóbede sabaq bilmegen balany urǵan tárbieshi sottaldy, dep habarlaidy QazAqparat tilshisi.
«Aqtóbe oblystyq kámelet jasqa tolmaǵandar jónindegi aýdanaralyq sotynda tárbieshige qatysty qylmystyq is qaraldy. Qylmystyq kodekstiń «Kámeletke tolmaǵan adamdy tárbieleý jónindegi mindetterdi oryndamaý» baby boiynsha úkim shyqty. Is materialdaryna súiensek, 2018 jyldyń 15 qarasha kúni «Aigólek» balabaqshasynda álipbi úiretip jatqan tárbieshi 2013 jyly týǵan oqýshyny urdy. Sot otyrysy kezinde sottalýshy barlyq kináni moiyndap, keshirim surady», - dep habarlady oblystyq sottyń baspasóz qyzmeti.
Sot úkimimen tárbieshi 120 saǵat qoǵamdyq jumysqa tartylyp, 3 jylǵa pedagogikalyq qyzmet atqarý quqyǵynan aiyryldy.
Aita keteiik, Aqtóbe oblysy, Qarǵaly aýdanyndaǵy «Aigólek» balabaqshasynyń tárbieshisi sabaq bilmei, árip tanymai turǵan balanyń basynan nuqyp, urǵan-tyn. Bul video áleýmettik jelide tarap, qylmystyq is qozǵalǵan edi.
