اقتٶبەدە ساباق بٸلمەگەن بالانى ۇرعان تەربيەشٸ سوتتالدى, دەپ حابارلايدى قازاقپارات تٸلشٸسٸ.
«اقتٶبە وبلىستىق كەمەلەت جاسقا تولماعاندار جٶنٸندەگٸ اۋدانارالىق سوتىندا تەربيەشٸگە قاتىستى قىلمىستىق ٸس قارالدى. قىلمىستىق كودەكستٸڭ «كەمەلەتكە تولماعان ادامدى تەربيەلەۋ جٶنiندەگi مiندەتتەردi ورىنداماۋ» بابى بويىنشا ٷكٸم شىقتى. ٸس ماتەريالدارىنا سٷيەنسەك, 2018 جىلدىڭ 15 قاراشا كٷنٸ «ايگٶلەك» بالاباقشاسىندا ەلٸپبي ٷيرەتٸپ جاتقان تەربيەشٸ 2013 جىلى تۋعان وقۋشىنى ۇردى. سوت وتىرىسى كەزٸندە سوتتالۋشى بارلىق كٸنەنٸ مويىنداپ, كەشٸرٸم سۇرادى», - دەپ حابارلادى وبلىستىق سوتتىڭ باسپاسٶز قىزمەتٸ.
سوت ٷكٸمٸمەن تەربيەشٸ 120 ساعات قوعامدىق جۇمىسقا تارتىلىپ, 3 جىلعا پەداگوگيكالىق قىزمەت اتقارۋ قۇقىعىنان ايىرىلدى.
ايتا كەتەيٸك, اقتٶبە وبلىسى, قارعالى اۋدانىنداعى «ايگٶلەك» بالاباقشاسىنىڭ تەربيەشٸسٸ ساباق بٸلمەي, ەرٸپ تانىماي تۇرعان بالانىڭ باسىنان نۇقىپ, ۇرعان-تىن. بۇل ۆيدەو ەلەۋمەتتٸك جەلٸدە تاراپ, قىلمىستىق ٸس قوزعالعان ەدٸ.
